Zayn Malik, may sweet tweet kay Gigi Hadid
NAGDULOT ng ingay sa social media ang “sweet tweet” ni Zayn Malik sa modelong si Gigi Hadid kamakailan, ilang buwan matapos ang balitang break-up nila.
Sa ulat ng Cover Media, na-confused ang 28 million Twitter followers ng I Don’t Wanna Live Forever hitmaker nang ‘tila ipagsigawan niya ang kanyang pagmamahal sa Victoria’s Secret model.
“@GiGiHadid love you,” tweet ni Zayn, nitong Sabado.
Nobyembre 2015 nang maging magkasintahan ang dalawa, ngunit naghiwalay noong Marso ng nakaraang taon, na kapwa nila inihayag sa kani-kanilang social media account.
Makalipas ang apat na buwan nagkabalikan ang singer at supermodel ngunit napabalitang muling naghiwalay makalipas ang ilang buwan.
Ayon sa mga balita, Nobyembre nagkahiwalay ang dalawa nang hindi dumalo si Zayn sa Victoria’s Fashion Show ni Gigi, na dati niyang ginagawa.
Absent din ang modelo sa party ng British singer para sa kanyang album na Icarus Falls
noong Disyembre, habang no-show din ang singer sa fancy dress New Year’s Eve party ni Taylor Swift.
Naging pribado ang relasyon ng dalawa, lalo na para sa dating One Direction singer, “who prefers to keep his relationship out of the spotlight.”
Dating na-engaged si Zayn sa Little Mix star na si Perrie Edwards bago makarelasyon si Gigi.
“We’re adults. We don’t need to put a label on it, make it something for people’s expectations,” pahayag ni Zayn sa GQ magazine tungkol sa kanilang relasyon ng modelo.