Prodigy frontman na si Keith Flint, binawian ng buhay

NAGPATIWAKAL si Keith Flint, ang lead singer ng bandang Prodigy na sumikat sa British rave culture noong 1990s, inihayag ng founder ng banda. Siya ay 49 na taong gulang.

Isa si Keith sa mga sikat na mang-aawit na kilala sa British electronic music, at dahil na rin sa kakaiba niyang pagtatanghal at hitsura. Kakaiba ang double mohawk ni Keith, na may makapal na eyeliner, at tadtad ng tattoos at piercings.

“I’m a firestarter, twisted firestarter,” kanta ni Keith sa 1996 hit na Firestarter na naging mitsa para kilalanin at sumikat ang underground rave generation ng Britain sa mainstream music. “I’m the self inflicted, mind detonator, yeah.”

Ayon kay Liam Howlett, nagtatag ng grupo, tinapos umano ni Keith ang sariling buhay.

“Our brother Keith took his own life over the weekend. I’m shell shocked, fuckin’ angry, confused and heart broken,” post ni Liam sa Instagram. “R.I.P brother.”

Rumesponde ang mga pulis sa natanggap na tawag mula sa address na Essex, eastern England, bandang 8:10 ng umaga nitong Lunes, at doon ay natagpuan nila ang wala nang buhay na si Keith. Noon din ay idineklarang pumanaw na si Keith.

Isinilang si Keith Charles Flint sa London noong 1969 at makaraan niyang umalis sa wasak nang pamilya, nagtungo siya sa Israel at nanirahan bilang isang market-stall trader. Hindi siya kumuha ng main school exams.

Naganap ang unang gig ng Prodigy sa Dalston, east London, at inilabas nila ang dance track na Charly noong August 1991. Ayon kay Will Hodgkinson, rock critic para The

Times, si Keith ang naging kinatawan ng British rave culture noong early 1990s.

“After meeting Howlett at a rave in 1989, Flint helped to turn the Prodigy into a band that captured the spirit of young Britain at the time: hedonistic, semi-legal, and definitely interested in doing some freaky dancing at a rave at three in the morning, ideally on ecstasy,” ani Will.

“It is with deepest shock and sadness that we can confirm the death of our brother and best friend Keith Flint,” lahad ng ibang miyembro ng Prodigy sa isang pahayag. “A true pioneer, innovator and legend. He will be forever missed.”