Kylie Jenner, pinakabatang billionaire sa mundo
N ITONG Martes ay kinilala si Kylie Jenner bilang ang pinakabatang selfmade billionaire of all time ng Forbes magazine, salamat sa kanyang booming cosmetics company na itinatag niya tatlong taon na ang nakaraan. Ayon sa Forbes, siya ang youngest billionaire sa buong mundo at ang pinakabatang self-made billionaire sa kasaysayan.
Sa kanilang billionaires list, inihihiwalay ng Forbes ang mga personalidad na nagmana ng kayamanan at mga taong kumita ng kanilang sariling pera. Si Kylie ang pasok sa 2,057th place kahit na self-made man o namana niya ang kanyang yaman. Noong nakaraang taon, may tinatayang
360 million sales ang Kylie Cosmetics, ayon sa Forbes. Pagmamay-ari ni Kylie, na may isang taong gulang na anak, ang kumpanya, 100 percent.
Kumikita rin siya mula sa mga endorsement at paglabas sa Keeping Up with the Kardashians.
Noong nakaraang taon ay lumagda ang Kylie Cosmetics sa isang kasunduan sa Ulta Beauty Inc para ipagbenta ang kanyang mga produkto sa lahat ng 1,163 U.S. retailer stores.
Ang pinakamayamang tao pa rin sa buong mundo ay ang Amazon.com Inc Chief Executive Officer na si Jeff Bezos, na may net worth na $131 billion, ayon sa Forbes.
Ang Microsoft Corp co-founder na si Bill
Gates pa rin ang nasa No. 2 position na may aabot sa $96.5 billion yaman.
Bumaba naman ng tatlong puwesto ang Facebook founder at CEO Mark Zuckerberg at napunta sa No. 8 spot, dahil nabawasan ang yaman niya ng $8.7 billion mula sa dating $62.3 billion.