DoH sa publiko: Maging responsableng pet owner
PINAALALAHANAN ng Department of Health (DoH) ang publiko tungkol sa responsableng pag-aalaga ng hayop, kasabay ng paglulunsad nito ng antirabies campaign, bilang pagdiriwang sa selebrasyon ng Rabies Awareness Month.
“Prevention is key in eliminating the rabies disease, 99% of all rabies transmissions to humans are from dogs.
Be a responsible pet owner and vaccinate your pets. This is the most cost-effective strategy to prevent rabies,” lahad ni Health Secretary Francisco T. Duque III nitong Martes.
Ang rabies ay maaaring maiwasan sa pamamagitan ng pagpapaturok ng bakuna, ngunit mahigit 59,000 katao pa rin ang namamatay dahil sa rabies taun-taon, ayon kay Duque.
Ayon pa sa kalihim, ang naturang sakit ay ikinokonsidera bilang isa sa pinakanakamamatay na impeksiyon na nagdudulot ng kamatayan sa aabot sa 200 Pilipino kada taon.
Ayon sa World Health Organization (WHO), 99 percent ng lahat ng rabies transmissions ay mula sa aso.
Ni-renew ng DoH at ng Department of Agriculture (DA) ang kanilang tungkulin at pangako na susugpuin ang rabies sa pamamagitan ng kampanyang “Makiisa sa barangayan kontra rabies, maging responsableng pet owner”, upang itaas ang kamalayan ng publiko hinggil sa pagiwas sa rabies.
Nakatuon ang kampanya sa responsableng pet ownership at sa pagkakaroon ng bakuna sa itinayong Animal Bite Treatment Centers para hindi mauwi sa pagkamatay ng nakagat ng hayop na may rabies.
“We have made great strides in eliminating rabies particularly in the Visayas region where a number of provinces were declared rabiesfree. Let us continue this positive trend and work together towards completely eradicating this deadly disease. It is my hope to declare Philippines a rabies-free country by 2030,” sabi pa ni Duque.
Magiging bahagi ng kampanya ang DA, Department of the Interior and Local Government, local government units, at ang pribadong sektor.