Team Amazing, kampeon sa BVR Tour
PUERTO GALERA – Tinanghal na kampeon ang tambalan nina Bea Tan at Dij Rodriguez, gayundin ang magpakner na sina Ranran Abdilla at Jessie Lopez sa BVR on Tour Amazing Puerto Galera Dreamwave Open nitong Linggo sa Dreamwave White Beach dito.
Naglaro sa Team Amazing Puerto Galera, ginapi nina Tan at Rodriguez ang karibal na sina Derie Rosales at MJ Ebro ng Team XentroMall’s, 21-15, 21-14.
Nakumpleto naman nina Abdilla at Lopez ang dominasyon ng Team Amazing Puerto Galera sa 21-17, 21-14 panalo kontra Team XentroMall’s KR Guzman at Krung Arbasto sa men’s finals.
Tinapos nina Tan at Rodriguez ang kampanya na may malinis na karta, Umusad sila sa finals nang pabagsakin ang Team Dreamwave nina Roma Joy at Roma Mae Doromal, 21-12, 21-13, sa semifinals.
Ito ang ikalawang korona ni Tan sa Oriental Mindoro resorts event matapos angkinin ang Puerto Galera championship kasama si Charo Soriano sa nakalipas na taon.
Giniba naman nina Rosales at Ebro, miyembro ng University of Santo Tomas, ang magkapatid na Doromal, 21-16, 21-15, sa hiwalay na semifinals.
Iginiit ni Puerto Galera Mayor Rocky Ilagan na handa ang lalawigan para sa mga susunod na BVR on Tour leg para mas mapalakas ang programa sa sports at environmental tourism.
Ang ikalawang leg ng beach volleyball circuit ay sa Marso 2324 sa Santa Fe, Bantayan Island sa Cebu.