Gal Gadot, namagitan sa Israeli civil rights fight
PUMASOK sa industriya ng paggawa ng pelikula ang Wonder Woman star na si Gal Gadot makaraan niyang makumpleto ang kanyang military service sa Israel.
Ngayon ay ipinagtatanggol naman ng Hollywood star ang mga kapwa niya aktres na ginigiyagis ni Israeli Prime Minister Benjamin Netanyahu “for challenging his party’s treatment of Arab citizens”.
Inakusahan si Netanyahu at ang kanyang Likud party na gumagamit ng scare tactics para sa April 9 elections sa Israel.
“Love your neighbour as yourself,” post ni Gal, na isang Israeli, sa Instagram nitong Linggo upang ipagtanggol ang tanyag na Israeli model at television actress na si Rotem Sela, nang makatanggap ng online abuse mula sa publiko at pangangaral mula mismo kay Netanyahu.
“This isn’t a matter of right or left. Jew or Arab. Secular or religious,” post ng Wonder Woman star.
“It’s a matter of dialogue, of dialogue for peace and security and of our tolerance of one towards the other.”
Galit na nag-post si Rotem sa Instagram nitong Sabado matapos nitong mapanood ang right-wing firebrand culture minister na si Miri Regev sa telebisyon.
Noon ay inanunsiyo ni Miri ang layunin ng Likud, at binalaan ang mga botante na boboto sa eleksypn sa April na huwag iboto ang mga pangunahing katunggali nito dahil kapag ang mga ito ang nahalal ay bubuo sila ng alyansa kasapi ang Israeli Arab parties. “When the hell will someone in this government convey to the public that Israel is a state of all its citizens and that all people were created equal?” post ni Rotem. “Even the Arabs -- believe it or not -- are human beings, and the Druze and the gays, by the way, and the lesbians and -- shock -- leftists.”
Sinagot ni Netanyahu ang Instagram message, and addressed it “Dear Rotem”.
“Israel is not a state of all its citizens,” sabi ni Netanyu. “According to the basic nationality law we passed, Israel is the nation-state of the Jewish people -- and only it.”