Pagtatrabaho tuwing weekend, may kaugnayan sa depresyon
MAS malaki ang tyansang magkaroon ng depresyon ng mga taong nagtatrabaho tuwing weekend, natuklasan sa bagong pag-aaral.
Kahit marami na ang nagtatrabaho nang mas matagal kaysa karaniwang working hours sa buong mundo, hindi pa malinaw kung paano naaapektuhan ng “off time” ang mental health ng mga manggagawa, ayon sa mga mananaliksik sa kanilang pagaaral na inilathala sa Journal of Epidemiology & Community Health.
Kakaunti lang ang pagkakaiba na naitala sa pagitan ng kalalakihan at kababaihan kaugnay ng kanilang work schedule at depression risk, ayon sa mga mananaliksik.
Ang kababaihang nagtatrabaho sa weekends ay mas nakitaan ng mga sintomas ng depresyon kaysa sa kababaihang nagtatrabaho lang tuwing weekdays. Mas marami naman ang sintomas ng depresyon sa kalalakihan na nagtatrabaho tuwing weekend, lalo na kapag hindi nila gusto ang kanilang working condition.
“The results of our study show gender differences in the links between long and irregular hours and depressive symptoms,” lahad ng study leader na si Gillian Weston, public health researcher sa University College London.
“There are many social, economic and health benefits to be gained from working in good jobs, so we don’t want women to be excluded from the workforce,” sabi pa ni Weston. “Instead, employers and family members should consider how they can be more supportive of those who work long or irregular hours.”
Ang pag-aaral ay hindi nakadisenyo para patunayan kung ang timing ng shifts o bilang ng working hours per week ay direktang nakakaapekto sa pagkakaroon ng depresyon. Hiningi rin ng mga mananaliksik sa mga manggagawa ang kani-kanilang sariling sintomas ng depresyon.
Sa kabila nito, iminungkahi ng pag-aaral na dapat na mapagtanto ng mga employer na ang mahabang oras ng pagtatrabaho at pagpasok sa trabaho tuwing weekend ay may peligrong dala sa kalusugang pangkaisipan ng mga manggagawa, ayon kay Weston.
“We need to move from a culture of unrealistic demands and low rewards to one in which workers are supported and valued, feel they have control, feel they have purpose, and are allowed sufficient time for recovery and leisure,” sabi pa niya. “This would benefit workers of both sexes and result in a happier and healthier workforce too - which of course would also benefit the employer.”
Ang mahabang oras ng pagtatrabaho ay makaaapekto sa kalusugang pangkaisipan sa maraming kadahilanan, kabilang ang potensyal na pagpapaliban ng mga social activity, epekto sa personal na buhay at pahinga, pahayag ni Sabir Giga, mananaliksik sa Lancaster University sa UK na hindi kasali sa pag-aaral.
May tyansa rin na mas maging mabigat ito para sa kababaihan dahil mas marami ang responsibilidad nila sa tahanan, sabi ni Giga.
Maaaring hindi makontrol ng mga manggagawa ang kanilang working hours o job schedule depende sa kanilang kagustuhan, ngunit puwede naman silang gumawa ng maliliit na hakbang para mabawasan ang tyansa ng pagkakaroon nila ng depresyon, dagdag pa ni Giga.
“This could be through taking regular breaks whilst working, prioritizing your work, learning to say ‘no’ and not overcommitting yourself, working from home or flexibly when possible, communicating regularly and openly with family members, partners and colleagues, and meaningfully switching off and making the most of your time when away from work,” paalala ni Giga.