Derek, tinawag na ‘plastic’
INAWAY ng netizen si Derek Ramsay dahil nag-post ang aktor ng suporta sa ABS-CBN na hinihintay ni Jimmy Bondoc na magsara.
Gamit ang logo ng ABS-CBN, sabi ni Derek sa post: “Complete respect to everyone at the kapamilya network. Thank you for many years of service to all Filipino and to the six great years I spent with you.”
May nag-comment agad ng, “Alam mo Derek, kung ‘di ka pa loyal sa GMA ngayon, bumalik kana sa Dos, kasi ‘di namin katanggap-tanggap ang mga plastic na artista tulad ni Regine.”
Wala rin daw respeto sa TV5 si Derek at dapat, ang respeto niya ay sa TV 5 dahil sa network siya huling nagtrabaho. Tinawag pang papansin si Derek.
Sagot ni Derek: “’Wag kang bastos. I’m happy and loyal with GMA. They are great people. May respeto lang ako sa ABS dahil nagtrabaho din ako du’n”.
Dagdag pa ng aktor: “Ikaw yata bro nagpapapansin. I’ve always spoken highly of TV5, I had some of my best years there. I respect your loyalty to ABS but there is no need to be rude
to prove it.
Think about your actions buddy and more importantly think before you speak.”
Sinagot din ni Derek ang akusasyong kaya raw full support si Derek sa ABS-CBN ay dahil nakinabang siya sa network: “Look man I have no idea what you are talking about but I hope all of this has brought you some happiness in your life. You seem to have lots of anger bro and if I have helped you in anyway to let you vent it out then thats a positive. Peace bro.”
Ang mga sumunod na rant ng netizen at ang iba pang sumawsaw sa isyu ay hindi na sinagot ni Derek. Hindi rin nito sinunod ang payo ng followers niya na i-block ang basher.
Anyway, malapit nang mapanood sa GMA-7 si Derek dahil sa July na ang airing ng teleserye nila ni Andrea Torres na The Better Woman, sa direksyon ni Mark dela Cruz.