Trans solon, nanawagan ng equality
Isang transgender woman na hindi pinagamit ng pambabaeng palikuran sa isang mall sa Cubao, Quezon City ang inaresto dahil umano sa pagkuha ng video sa insidente, kamakalawa.
Ayon sa mga awtoridad, dinakip si Gretchen Custodio Diez dahil sa unjust vexation, nang magbahagi ito ng isang live video sa kanyang Facebook account matapos siyang komprontahin ng isang janitress.
Pagbabahagi ni Diez sa kanyang halos isang oras na video, papasok umano siya sa women’s comfort room sa itaas na bahagi ng mall dakong 1:30 ng hapon, nang pigilan siya ng isang janitress at ipilit sa kanya ang paggamit umano ng panlalaking palikuran.
Ayon kay Diez, nagdesisyon siyang simulan ang pagkuha ng video upang mai-record ang paliwanag ng janitress bakit hindi siya maaaring gumamit ng pambabaeng comfort room sa kabila ng ipinatutupad na anti-discrimination ordinance sa lungsod.
Dagdag pa ni Diez, hinila umano siya ng dalawang janitress at dinala sa isang kuwarto na tila para sa mga empleyado kung saan siya nagsimulang mag-live video sa Facebook upang humingi ng tulong sa kanyang mga kaibigan at bilang ebidensiya.
Sa video, makikita ang ilang security at maintenance na nakikipagtalo kay Diez habang pinigilan ang pagkuha nitp ng video.
Ilang oras nanatili si Diez sa loob ng nasabing kuwartp bago siya dalhin sa Quezon City Police Station 7 (PS-7) dakong 4:20 ng hapon saka ilipat sa QCPD’s AntiCybercrime Division sa Camp Karingal ngunit ibinalik din sa PS-7.
Bandang 11:30 na ng gabi, pinakawalan si Diez matapos magdesisyon ang janitress na iurong kaso sa kanya at humingi ng tawad sa pamamagitan ng isang liham.
Bagamat tinanggap ni Diez ang paumanhin ng janitress, nanindigan ito na itutuloy ang reklamo laban sa mall dahil sa paglabag sa Gender-Fair Ordinance ng lungsod.
“We will still fight for what is right. ‘Yung violation po against city ordinance ng Quezon City, papatunayan po natin sa lahat na may pangil pa rin po ang batas,” pahayag ni Diez matapos pakawalan ng pulisya.
“Wala daw po talagang formal education and training on gender equality ang mga staff. Five years na simula nung napasa yung ordinance sa Quezon City, five years is enough to orient their people para galangin ang mga karapatan natin. It should not happen in Quezon City, it should not happen anywhere in the Philippines,” dagdag pa niya.
GENDER-FAIR ORDINANCE
Samantala, taong 2014 pa nang ipasa ng Quezon City council ang City GenderFair Ordinance na layong madepensahan ang mga miyembro ng LGBT+ community mula sa anumang uri ng diskriminasyon.
Sa ilalim ng ordinansa, ipinagbabawal ang “ridicule, to commit harassment, disallow the entry from any establishment, promote discrimination and to commit any act that demeans the dignity and selfrespect of a person.”
LGBTQ+ COMMUNITY,
SOLON, UMALMA
Samantala, nakatanggap naman ng suporta si Diez sa kay Bataan First District Representative Geraldine Roman at nakipag-usap sa mga personnel ng istasyon upang ipaliwanag ang ordinasa at sumuporta sa LGBT+ rights.
“The LGBT community might be a minority but they are still Filipinos whose rights have to be protected. We, in the Congress, have to stand up for that equality,” pahayag ng mambabatas.
Nagpahayag din ng pagkadismaya ang mga miyembro ng LGBTQ+ NCR partylist hinggil sa harassment at diskriminasyon na nangyari kay Diez.