Barcenilla, kampeon sa PACE
NAGKAMPEON si Grandmaster Rogelio “Banjo” Barcenilla Jr. sa 2019 Philippines National Chess Championship na tinampukang Battle of the Grandmasters sa isang impressive fashion na ginanap sa Philippine Academy for Chess Excellence (PACE), 2nd floor, No. 56 Mindanao Avenue, Project 6 sa Quezon City nitong Martes, Nobyembre 26.
Ang Arizona, USA based Barcenilla na ipinagmamalaki din ng Barangay Malamig, Mandaluyong City ay naging kapana-panabik ang kanyang laro matapos niyang isakripisyo ang kanyang reyna para mapuwersa na ma mate ang kalaban niyang si last year champion International Master (IM) Haridas Pascua tungo sa kanyang panibagong national title sapul ng magkampeon sa 1996 Far East Bank National Chess Championships.
Ang Iloilo born na si Barcenilla na tubong Cebu at Iligan City ay namayani sa 44 moves ng English Opening skirmish tungo sa undefeated sa 11 round tournament na may total output 7 points mula sa 4 wins, 6 draws , 0 loss, kung saan isang puntos ang lamang kina International Master (IM) Paulo Bersamina at Grandmaster (GM) John Paul Gomez.
Si Pascua na tumapos ng 5.5 points ay nakisalo sa third hanggang fifth kasama sina International Master (IM) Jan Emmanuel Garcia, Grandmaster (GM) Darwin Laylo at National Master (NM) Jerad Docena.
Ang torneo sa taong ito ay ay hindi lamang madedeklarang National Champion dahil kaakibat ang pagsikwat ng isa sa dalawang upuan para sa top 2 winners na kakatawan sa bansa sa 2020 World Chess Olympiad na gaganapin sa Moscow, Russia bilang miyembro ng Philippine National Chess Team (Open/Men).
“It was a great feeling, beating defending champion IM Haridas Pascua in the final,” sabi ni Barcenilla na two-time (1989 and 1990) Asian Junior champion sa India at Dubai at 1991 Bronze medalist sa World Juniors championship sa Romania.