Pharma giant Sanofi kinasuhan ng manslaughter
PARIS (AFP) - Idinemanda ng French prosecutors ang pharma giant na Sanofi ng manslaughter dahil sa birth defects na iniugnay sa isang epilepsy drug, sinabi ng kumpanya nitong Lunes, sa matagal nang kaso na may kasama ding fraud.
Ang mga kaso ay kaugnay sa gamot na valproate, na ibinebenta bilang Depakine at iba pang mga pangalan, na ayon sa mga pag-aaral ay nagdulot ng mga kapansanan sa halos 15,00030,000 kabataan na ang mga ina ay uminom ng gamot habang buntis.
Nasa merkado simula pa noong 1967, ang gamot ay ginagamit para lunasan ang epilepsy, migraines at bipolar disorder.
Ngunit natuklasan ng pananaliksik na kapag ininom ng mga buntis ang gamot, ang kanilang mga anak ay may mataas na peligro - sa pagitan ng 10 hanggang 40 porsyento - ng mga congenital malformations, autism at kahirapan sa pag-aaral.
Ang Sanofi ay nahaharap sa magkakakahiwalay na mga asunto ng aggravated fraud at unintentionally causing injury sa 42 kaso na isinampa ng mga pamilya, ngunit iginiit na binalaan nito ang mga awtoridad sa kalusugan ng mga panganib ng droga noong 1980s.
Nitong Lunes, kinumpirma ng kumpanya ang isang ulat sa pahayagang Le Monde na kinasuhan din ito ng prosecutors ng manslaughter.
Ngunit sa pahayag na ipinadala sa AFP iginiit nito na tumupad ito sa kanyang obligaayin na magbigay ng impormasyon tungkol sa droga at side-effects nito, at sinabing kinontra nito ang “validity of these proceedings.”
Sinabi ng Sanofi na naghain ito legal challenge sa demanda.
Ang Sanofi, isang France-based multinational, ay nagtatrabaho sa isang kandidatong bakuna laban sa novel coronavirus kasama ang GSK ng Britain, kung saan tatanggap ito ng hanggang $2.1 bilyon mula sa US government.