Marso 18 ideklara bilang Bangsamoro Day bilang paggunita sa Jabidah Massacre

Naghain si Anak Mindanao (AMIN) partylist Rep. Amihilda Sangcopan ngvoanukalang batas na nagdedeklara sa Marso 18 ng bawat tao bilang Bangsamoro Day sa Bangsamoro Autonomous Region in Muslim Mindanao (BARMM) para gunitain ang infamous 1968 Jabidah Massacre.

Inihain niya ang House Bill No. 7000 na naglalayong idekalara ang Marso 18 bilang Bangsamoro Day para gunitain ang masaker ng mga batang kalalakihan ng Bangsamoro sa Corregidor Island noong Marso 18, 1968.

“This year marks the 52nd anniversary of the infamous Jabidah Massacre. The declaration of March 18 as Bangsamoro Day will give the Bangsamoro people a chance to revisit the struggles of their forbears as they move towards the dream of being recognised as a unified political unit existing harmoniously with the lumads and even the migrant settlers,” sinabi niya sa kanyang explanatory note ng panukala.

Sinabi niya na ang Jabidah Massacre ay unang nalaman ng publiko noong Marso 18, 1968 nang nasagip ng dalawang mangingisda ang isang lalaki na nagngangalang Jibin Arula mula sa dagat malapit sa baybayin ng Caballo Island sa Manila Bay.

Si Arula ay sinasabing natatanging nakaligtas sa pamamaslang sa isang grupo ng mga Muslim Army recruits ng mga armadong tauhan.

“Until now, there are some interpretations that the fateful event never took place. In spite of the disputes about the facts of the massacre, historians agree that the Jabidah Massacre was one of the most important flashpoint that ignited the Muslim insurgency in the Philippines,” aniya.

Ayon sa ilang salaysay, ang Jabidah Massacre ang nagsilang sa Mindanao Independence Movement noong 1969 at ng mga sumunod, sa Moro National Liberation Front (MNLF), mula sa Moro Islamic Liberation Front (MILF) na tumiwalag mula dito noong unang bahagi ng 980s.

Sinabi ni Sangcopan na noong 2015, ang National Historical Commission of the Philippines (NHCP) ay nagtayo ng marker para sa “Mindanao Garden of Peace” na nagpapatibay na ang Corregidor Island “served as a camp for training Moro youth as a secret group led by the Philippine Army.”

“The marker represented a moment of triumph in the Bangsamoro struggle against centuries of historical injustice in the Philippines,” aniya.