Guguluhin lamang ang isyu

AYON kay Presidential Spokesperson Harry Roque, dahil sa masyadong nadismaya si Pangulong Duterte sa mga alegasyon ng corruption sa Philippine Health Insurance Corp. (Phil Health), iniatas niya ang paglikha ng task force na magimbestiga na rin sa nasabing ahensiya. Ang anomalya ay muling pumutok sa pagreresign at

paghahayag ng mga whistleblower sa pangunguna ni PhilHealth anti-fraud legal officer Thorrson Montes Keith. Kaya, muling kumilos ang Senado upang magsagawa ng investigation in aid of legislation. Sa unang araw ng imbestigasyon, dito isiniwakat ni Keith na tinatayang P15 bilyong pondo ng ahensiya ang naibulsa ng mga corrupt officials. Pati na rin ang Kamara sa pamamagitan ng komite nitong pinangungunahan ni Anakalusugan Party List Rep. Mike Defensor. Ayon sa ulat, pinagsusumite sa komite ang mga inimbitahan nitong mga resource person na mga opisyal ng ahensiya ng kanilang Statement of Assets and Liabilities Networth (SALN) bago pa man magsimula ang pagdinig.

Ang paglikha ng task force ay laman ng memorandum na inisyu ng Pangulo na inaatasan niya si Justice Secretary Menardo Guevarra na siyang mag-oorganisa nito at binigyan ng kapangyarihan ang kanyang departamento na obligahin ang iba pang ahensiya ng gobyerno na maging kasapi o

katulong nito. Pinaiimbitahan din niya kay Guevarra ang iba png constitutional bodies at commission na maging miyembro ng task force. Bago ang memorandum na ito, nagimbestiga na ang Presidential AntiCrime Commission (PACC) sa alegasyon ng katiwalian sa PhilHealth.

“Ang ginawa ng Pangulo na paimbestigahan ang PhilHealth, ay pagpapakita ng kanyang zero-tolerance sa anomalya at nais niyang malaman ang katotohanan hinggil dito. Mukhang dismayado na ang Pangulo. Ilang beses nang inimbestigahan ng Kongreso ang PhilHealth pero walang nangyari. Kaya, nagbigay siya ng kapangyarihan hindi lamang para magimbestiga, kundi para magsuspindi pansamantala ng mga iniimbetigahan,” wika ni

Tama si Roque. Ilang beses nang umalingasaw ang malaking pondong katiwalian sa PhilHealth na nagbunsod sa ilan nang mga imbestigasyon, pero wala

ring naging bunga. Ang ginawa ng Pangulo, tulad ng mga ginawa niya sa ibang ahensiya, ay palitan ang mga pinuno na sangkot sa anomalya. Bakit sa kabila nga mabagsik na banta ng Pangulo laban sa corruption ay nagpapatuloy ito? Katunayan nga, ay lumubha pa. Kasi, mayroon mang nasasampahan ng kaso o nasesentensiyahan ay mga maliliit na empleyadong sinasala ng mga imbestigasyon, at gaya ni Faeldon ay napromote pa. Tulad ng nangyayari ngayon, marami na ang nagiimbestiga sa PhilHealth, pakitang-tao lamang ito. Ang layunin ng mga ito ay guluhin ang isyu at iligaw ang mamamayan sa talagang dapat managot. Halimbawa, ang ginagawa ni Defensor na pagsumitihin ng SALN ang mga resource person ng SALN, ang utos ng Pangulo na isailalim sa lifestyle check ang mga iimbestigahan. Kung kasama rito ang mga whistleblower, sa mga ito lang, o kaya isasama sila sa mga pananagutin depende sa gagawin nila sa imbestigasyon.