‘Rolly’ papasok sa PAR
Isa na namang bagyo ang inaasahang papasok sa Philippine area of responsibility ngayong araw.
Sa pahayag ng Philippine Atmospheric, Geophysical and Astronomical Services Administration (PAGASA), huling namataan ang sama ng panahon sa layong 1,960 kilometro Silangan ng Central Luzon, kahapon.
Napanatili nito ang lakasna 55 kilometro kada oras at bugsong hanggang 70 kilometro kada oras habang magabal na kumikilos pa-Kanluran-Hilagang Kanluran o nasa labas pa ng Pilipinas.
Kapag tuluyan na itong pumasok sa bansa, papangalanan itong ‘Rolly’ na inaasahang kikilos pa-Kanluran sa Sabado patungong Bicol.