Dayuhan, itinumba sa Pasay
Masusing iniimbestigahan ng Pasay City Police ang motibo sa pagpaslang sa isang binatang Cameroonian sa nasabing lungsod, nitong Martes ng madaling araw.
Ang biktima ay kinilala ng pulisya na Divine Njua Komfun, 47, at nanunuluyan sa Unit A, Villa Vista Condominium, Bgy. Santo Niño, Parañaque City, na kaagad na binawian ng buhay dahil sa tama ng bala sa ulo.
Kaagad namang tumakas ang hindi nakikilalang suspek na nakasuot ng jacket, pantalon at face mask.
Sa inisyal na imbestigasyon nina SSgt. Jimmy Rufo, Cpl. Alfred Pangilinan at Pat Jerald Dahilig, ng Station Investigation Detective and Management Branch (ŠIDMB), ang insidente ay naganap sa harap ng isang convenience store sa Arnaiz St., at Roxas Boulevard, Service Road, Bgy.13, Zone 4, dakong 12:15 ng madaling araw.
Naglalakad lamang ang dayuhan sa nasabing lugar nang biglang barilin ng suspek.
Patuloy ang isinasagawang pagsisiyasat ng pulisya sa kaso.