Asymptomatic sa COVID19, mas mabilis mawalan ng antibodies
LONDON (AFP) — Ang mga asymptomatic sa coronavirus ay lumilitaw na mas maagang nawawalan ng detectable antibodies kaysa sa mga taong nagpakita ng mga sintomas ng Covid-19, ayon sa isa sa pinakamalaking pag-aaral ng uri nito sa Britain na inilathala nitong Martes.
Ang mga natuklasan ng Imperial College London at market research firm na Ipsos Mori ay nagmumungkahi din na ang pagkawala ng mga antibodies ay mas mabagal sa 18-24 taong gulang kumpara sa mga may edad na 75 pataas.
Ang pananaliksik, na kinomisyon ng gobyerno ng Britain at nailathala nitong Martes ng Imperial, ay nagpapahiwatig na ang immune response ng mga tao sa Covid19 ay nababawasan sa paglipas ng panahon kasunod ng impeksyon.
Tinawag ito ni James Bethell, junior health minister, na “a critical piece of research, helping us to understand the nature of Covid-19 antibodies over time”.
Ngunit nagbabala ang mga kasangkot na siyentipiko na napakaraming bagay ang hindi pa nalalaman tungkol sa long-term antibody response ng tao sa virus.
“It remains unclear what level of immunity antibodies provide, or for how long this immunity lasts,” sinabi ni Paul Elliott, ng School of Public Health ng Imperial.