Maine, campaign ambassadress laban sa polio
TINANGGAP agad ni phenomenal star Maine Mendoza na maging ambassadress ng Rotary Club sa kanilang kampanya laban sa polio ang #EndPolioNow. Hindi naman naging mahirap kumbinsihin si Maine dahil may mga pamangkin siyang mga bata pa at parehong Rotarians ng Bulacan, ang mga magulang niya.
Isa pa, naniniwala si Maine na walang sinumang bata na dapat mahirapan sa sakit dahil sa polio. Hindi naman problema ito basta sa batang edad lamang, bago magfive years old ang isang bata, ay mabakunahan na siya.
Sa campaign na ito, nakahanay na ni Maine ang iba pang ambassadors, hindi lamang sa Pilipinas kundi sa ibang bansa rin.
Kasamang ambassador ni Maine sa Pilipinas si Senator Manny Pacquiao, at si South Korean singer na si Psy, action star Jackie Chan, Canadian actor Donald Sutherland at iba pa.