Gabbi Garcia, sa hosting naman bibida
MAIISYU na naman nito si Gabbi Garcia na favorite ng GMA Artist Center at GMA Network dahil may bago na naman siyang show. Kahit sa GMA News TV ang airing ng In Real Life (IRL), bagong show pa rin ito ni Gabbi na napapanood ngayon sa All-Out Sundays.
Anyway, tiyak na maraming millennials at Gen Z ang makakarelate sa bagong show ni Gabbi dahil sa concept nito. Ang IRL ay isang youthoriented reality program kung saan, ihahatid ni Gabbi ang latest updates sa iba’t ibang trending topics na “lit” o “exciting” para sa mga kabataan lalo na ngayong digital age.
Bagay na bagay kay Gabbi ang IRL dahil bukod sa husay niya sa hosting, isa siya sa mga artista ngayon na malakas ang online presence. Kaya tiyak na nakaabang ang fans nina sa IRL na malapit nang mapanood sa GMA News TV.