Derek dedma na sa basher
DEDMA na si Derek Ramsay sa mga basher dala nang paghihiwalay nila ni Andrea Torres. Kung anu-ano ang mga natatanggap niyang masasamang salita, mga akusasyon na pati pamilya niya, nadadamay.
Tuwing nagpo-post ng bagong litrato ang aktor, asahang may magko-comment agad na bashing sa kanya. Ang isa nga sa akusasyon sa kanya ay bading siya at ginagamit lang ang pakikipag-relasyon sa mga babae para pagtakpan ang tunay niyang sekswalidad.
Sa latest photo nga ni Derek na may caption niya na “I like your smile!,” may nag-comment agad ng “bading kc.” Sa halip na magalit, sinang-ayunan niya ang basher at sabi, “trulalu.” May nagtanggol kay Derek at tinawag na judgemental ang basher, ang sabi na lang ni Derek, “let them dear.”
May nag-akusa namang mabilis siyang naka-move on sa break-up nila ni Andrea dahil masaya siya sa mga pino-post na photos at nali-link pa nga siya kay Ellen Adarna. Saka, mas maingay daw siya kay Andrea na dapat, sa break-up, ang babae ang maingay, pero sa kaso niya, si Derek ang maingay.
Anyway, may isyu kina Derek at Andrea at gusto sana ni Derek na magsalita si Andrea sa pagkaka-link niya kina Ellen at Pops Fernandez at akusa na si Pops ang rason ng kanilang paghihiwalay. Pero, nananatiling tahimik si Andrea na maganda rin naman dahil wala siyang isyu.
Samantala, hindi na nga matutuloy sa GMA-7 ang Sanggang Dikit na pagtatambalan sana nila ni Andrea. Ayon kay Derek, may ipe-present sa kanyang bagong project ang Kapuso Network at mababalitaan natin kung tatanggapin niya.