China may parusa kay Pompeo, Trump
BEIJING (AFP)— Sinabi ng China nitong Miyerkules na pinarurusahan nito ang higit sa dalawang dosenang mga miyembro at dating opisyal sa gobyerno ni dating president Donald Trump, kasama ang kanyang secretary of state na si Mike Pompeo, dahil sa paglabag sa “sovereignty” ng bansa sa pamamagitan ng paggawa ng “crazy” na mga patakaran.
Ipinahayag ito ng China kasabay ng panunumpa ni US President Joe Biden sa puwesto sa Washington, na naghuhudyat ng isang bagong administrasyon na inaasahang mananatiling matigas sa China ngunit nakatuon sa kooperasyong internasyonal matapos ang mapaghating diskarte ng “America First” ni Trump.
“Over the past few years, some anti-China politicians in the United States, out of their selfish political interests and prejudice and hatred against China and showing no regard for the interests of the Chinese and American people, have planned, promoted and executed a series of crazy moves,” saad sa pahayag ng Chinese foreign ministry.
“China has decided to sanction 28 persons who have seriously violated China’s sovereignty and who have been mainly responsible for such US moves on China-related issues,” sinabi ng foreign ministry.
Bukod kay Pompeo, kasama sa mga pinarusahan ang trade advisor Trump na si Peter Navarro, national security advisor Robert O’Brien, assistant secretary for East Asian and Pacific affairs David Stilwell, health secretary Alex Azar at UN envoy Kelly Craft, at iba pa.
Pinarusahan din ng Beijing sina dating Trump national security advisor John Bolton at dating senior advisor Steve Bannon.
Ang mga opisyal at miyembro ng kanilang pamilya ay hindi papasukin sa mainland China, Hong Kong at Macau, sinabi ng foreign ministry.
“They and companies and institutions associated with them are also restricted from doing business with China,” dagdag dito.
‘Prestigious recognition’
Si Bolton, isang hawkish veteran diplomat na naging masugid na tagapuna ni Trump mula nang umalis sa administrasyon noong Setyembre 2019, ay sumulat sa Twitter na ipinagmamalaki niya na nagalit niya ang Beijing.
“I’ve been sanctioned by the Communist Chinese government for ‘nasty behavior,’” post niya. “Great news for an inauguration day! I accept this prestigious recognition of my unrelenting efforts to defend American freedom.”
Sa kanyang huling mga araw sa opisina, nakipagbanggaan si Trump sa China sa usapin ng kalakal, seguridad, teknolohiya, ang pinagmulan ng Covid-19 pandemic at ang mga karapatan ng mga tao mula Hong Kong hanggang Xinjiang, tahanan ng Uighur na minorya ng bansa.