Maduro willing makipag-usap sa bagong US admin
Handa si Venezuelan President Nicolas Maduro “to turn the page” sa US sa ilalim ni President Joe Biden, sa kanyang panawagan para sa isang “new path” makalipas ang ilang taon ng tensyon sa dating administrasyon ni Donald Trump.
“We are willing to walk a new path in our relations with Joe Biden’s government based on mutual respect, dialogue, communication and understanding,” pahayag ng leftist leader sa mga tagasuporta nito, kasabay ng pagsasabing “[he] is willing to turn the page” sa bagong US administration.
Matatandaang pinatawan ng Trump administration ng multiple economic sanctions ang Venezuela, kabilang ang oil embargo na ipinatupad noong 2019, sa pagtatangka na mapatalsik ang rehimen ni socialist Maduro, na tinawag ng US na diktador.
Makalipas ang ilang taon ng malamig na relasyon ng Caracas at Washington tuluyang nasira ang diplomatikong relasyon ng dalawang bansa noong Enero 23, 2019, nang kilalanin ng US government si opposition leader Juan Guaido bilang interim president ng Venezuela.
Matapos ang pagkapanalo ni Biden sa US presidential election nitong Nobyembre, nagpaabot ng pagbati si Maduro at sinabing “[Venezuela was] ready for dialogue and good understanding with the people and government of the United States.”
Naniniwala naman ang mga analyst na pipiliin ng Biden administration ang ‘more moderate stance’ sa Venezuela at susuportahan ang international mediation para sa transition tungo sa isang bagong pamahalaan.
Sa tala ng UN, higit limang milyong Venezuelans na ang umalis ng bansa mula noong 2015, dulot ng politikal at ekonomikal na kaguluhan.