PANELO, PINATITIGIL SA PANINISI
Gov’t, palpak vs pandemya?
Binuweltahan ng isang dating government adviser si Chief Presidential Legal Counsel Salvador Panelo dahil sa paninisi sa kanya ng huli kaugnay ng nakikitang kapalpakan sa hakbang ng pamahalaan kontra pandemya at vaccination program nito.
Sa kanyang sunud-sunod na social media post, ipinaliwanag ni dating Special Adviser to the National Task Force on COVID-19 (coronavirus disease 2019) Dr. Anthony Leachon, dapat nang itigil ni Panelo ang paninisi sa kanya dahil ipinupunto lamang niya ang mga pagkukulang ng gobyerno sa vaccination plan, kabilang na ang kakulangan ng pagsasapubliko sa mga presyo ng mga bakunang bibilhin ng pamahalaan.
Nauna nang binatikos ni Panelo si Leachon dahil “ginagatungan” pa umano nito ang usapin at sa halip ay pawiin ang pangamba ng publiko kaugnay ng pagsisikap ng gobyerno na makabili ng COVID-19 vaccines.
“@salvadorpanelo Stop blaming other people for your mistakes. Until you are ready to admit that you are infallible, you are vulnerable to fail. We have the longest lockdown on earth and we have not finalized our vaccination plan, procurement, pricing and execution process. It’s too easy to criticize a man when he’s out of favor, and to make him shoulder the blame for everybody else’s mistakes,” aniya.
Paglilinaw ni Leachon, karapatan ng publiko na malaman ang plano ng gobyerno.
“We have seen cracks at the vaccination plan, lack of transparency on the pricing and turtle paced procurement of vaccines. We deserve to know. People are waiting for urgent results. The day people stop bringing you their unending COVID problems or stop criticizing a failed pandemic response or vaccination plan is the day you have stopped leading them. And both would mean a failure of leadership,” sabi nito.