Republicans, ayaw sa Trump impeachment
WASHINGTON (AFP) — Nagpahiwatig ang mga mambabatas ng Republican noong Linggo na ang mga Democrat ay mapapasabak sa laban upang matiyak ang conviction kay Donald Trump kapag binuksan ng Senado sa susunod na buwan ang kauna-unahang impeachment trial ng isang dating pangulo.
Inaasahan sa Lunes na ipapadala ni Speaker Nancy Pelosi sa mga senador ang article of impeachment na ipinasa sa House of Representatives na sinisisi si Trump sa pag-uudyok ng magulong pagsalakay sa Capitol noong Enero 6, na ikinamatay ng limang katao.
Ngunit sa paghahanda ng magkabilang panig para sa inaasahan na maging isang mabilis na paglilitis, tumulak nang paurong ng mga Republican gamit ang argumentong politikal at konstitusyonal - na nagdaragdag ng mga pagdududa na ang mga Democrat, na kumokontrol sa 50 na puwesto sa 100-miyembrong kapulungan, ay makakakuha ng 17 boto ng Republican upang maabot ang two-thirds ng mayorya na kailangan upang mahatulan.
“I think the trial is stupid. I think it’s counterproductive. We already have a flaming fire in this country and it’s like taking a bunch of gasoline and pouring it on top,” sinabi ni Marco Rubio, ang top Republican sa Senate Intelligence Committee, sa “Fox News Sunday.”
Kinilala niya na si Trump - na humimok sa libu-libong mga tagasuporta niya na dumagsa sa Washington at iprotesta ang sertipikasyon ng kongreso ng tagumpay ni Biden - “bears some responsibility for what happened.”
Ngunit upang “pukawin itong muli” ay makakasakit lamang sa bansa, sinabi ni Rubio, isang kandidato sa pagkapangulo na tinalo ni Trump sa primary noong 2016.
Nangatwiran ang ibang mga Republican na ang Senado ay walang awtoridad na isalang ang isang pribadong mamamayan - tulad ni Trump ngayon - sa paglilitis.
Sinabi ni Senador Mike Rounds sa “Meet the Press” ng NBC na ang konstitusyon ay hindi pinapayagan ang impeachment ng isang dating pangulo.