Prince William umalma vs racist abuse sa footballers
LONDON (AFP) — Tinawag ni Prince William ng Britain na kasuklam-suklam ang racist abuse na nakadirekta sa mga manlalaro ng football at sinabi na dapat na itong matigil matapos ang manlalaro ng Manchester United na si Marcus Rashford ay pinakabagong target.
Si William, pangulo ng Football Association, ay nagsalita nitong Linggo matapos na inakusahan ng Professional Footballers ‘Association ang mga kumpanya ng social media na kulang sa pagpayag na mapigil ang racist posts.
Ang defender ng Chelsea na si Reece James, Romaine Sawyers ng West Brom at mga ka-team ni Rashford na sina Axel Tuanzebe at Anthony Martial ay pawang nagdusa sa online racist na pang-aabuso sa nakaraang linggo.
Sunod na tinarget si Rashford pagkatapos ng 0-0 draw ng United sa Arsenal noong Sabado, na naguudyok sa isang pagsisiyasat ng pulisya.
Nag-tweet si William na: “Racist abuse -- whether on the pitch, in the stands, or on social media -- is despicable and it must stop now.
“We all have a responsibility to create an environment where such abuse is not tolerated, and those who choose to spread hate and division are held accountable for their actions. That responsibility extends to the platforms where so much of this activity now takes place.”
Nanawagan ang PFA sa mga social network na ipakita na tunay silang nakatuon sa pagharap sa isang problema na sinabi nitong “at crisis point” sa loob ng dalawang taon. Sinabi ng Greater Manchester Police na maraming mga mapang-abusong komento na nakadirekta sa mga manlalaro ng United ang naiulat at masusi nilang iniimbestigahan ang mga krimeng ito.
Sinabi ni Rashford, high-profile campaigner laban sa child food poverty, na ang mga komento ay nagpapakita na “humanity and social media at its worst.