Aktibidad ng tao banta sa survival ng mga hayop: study

NAGDUDULOT ng banta ang mga aktibidad ng tao tulad ng pagsasaka at konstruksiyon sa survival ng mga wild species dahil napipilitan ang mga ito na umalis at maglakbay upang maiwasan ang epekto ng sangkatauhan, ayon sa pag-aaral na inilabas nitong Lunes.

Ayon sa United Nations’ biodiversity panel, higit tatlong kuwarter ng lupain at 40 porsiyento ng karagatan ng mundo ang “already been severely degraded” ng tao.

Humatak ang landmark biodiversity assessment ng ahensiya noong 2019 ng malalaking pag-aaral hinggil sa kung paano naaapektuhan ng aktibidad ng tao ang kalikasan.

Ngunit may ilang pag-aaral na tumutok sa ilang tiyak na species at kung paano naaapektuhan ng tao ang pagbabago ng kanilang kilos.

Pinagtuunan ng mga mananaliksik sa Australia ang epekto ng mga aktibidad tulad ng roads, tourism, recreation, hunting, shipping at fishing sa 167 species, mula sa 0.05-gram sleepy orange butterfly hanggang two-tonne Great White shark.

Natuklasan nila na karamihan ng species ay tumataas ang distansya ng paglalakbay dahil sa impluwensiya ng tao—nasa 70 porsiyento sa average.

Sa sangkatlo ng species, tumaas o bumaba ng kalahati ang galaw, ayon sa inilimbag na pag-aaral sa journal na Nature Ecology & Evolution.

“This tells us that humans have widespread impacts on animal movement, but in many cases these are going undetected and unaddressed,” pahayag ni lead author Tim Doherty, mula University of Sydney sa AFP.

“In everyday life, we generally only see animals in the wild for short periods and don’t get a proper understanding of how they move around and use space.” ‘PAGPAPAHUPA NG EPEKTO’ Ayon kay Doherty, dahil maraming species, kabilang ang maraming mammals, ang naglalaan ng halos lahat ng enerhiya sa paghahanap ng pagkain at mates, ang dagdag na enerhiya na kinakailangang ilaan sa paglayo sa mga tao ay isang hindi katanggap-tanggap na survival challenge.

“However, animals will often move further in response to disturbance to ensure their survival, for example by seeking shelter, finding food,” aniya.

“Some species are able to cope with these changes better than others.”

Sa pag-aaral sa taxonomic groups, pinakamadalas na umaalis ang mga ibon at insekto pang maiwasan na masangkot sa aktibidad ng tao.

Nagbabala rin ang pag-aaral sa “cascading impacts” sa natural na proseso tulad ng pollination kung magpapatuloy ang ganitong sitwasyon.

Pagbabahagi ng mga may-akda naitala nila ang “global restructuring of animal movement, with potentially profound impacts on populations, species and ecosystem processes”.

Nanawagan sila para sa mas maayos na preserbasyon ng mga natural habitats sa pamamagitan ng pagpapataas ng mga protected areas at tamang pamamahala sa construction at tourism, gayundin ang “seasonal curbs on hunting” sa breeding period ng mga hayop.