‘I am ready 4 Leni’ online campaign, inilunsad
Isang kampanya sa pirma ang kumakalat sa online na naghihikayat kay Vice President Leni Robredo na tumakbo sa pagka-pangulo sa halalan sa Mayo 2022.
Ang petisyon, na pinangalanang “I am ready 4 Leni,” ay ipinaskil ng mga tagasuporta ni Robredo sa pandaigdigang platform ng petisyon na Change.org at lumikom na ng 2,161 lagda hanggang Miyerkules ng umaga.
Nagsimula ito tatlong araw na ang nakalilipas nang ang tinaguriang pangunahing grupo ng mga tagasuporta ng bise presidente ay nagpulong sa lalawigan ng Quezon upang itulak ang kanyang pagtakbo sa pampanguluhan, kasama na ang paglilikom ng mga pondo ng kampanya.
“It is our deepest desire to see the Philippines back on its way to being one of the most economicall progressive, politically transparent, humane and respected countries in Asia. We believe that Vice President Leni Robredo can lead us to this goal by leading the country as the next duly-elected President in 2022,” isinulat nila.
Sa paglagda sa petisyon, ang mga tagasuporta ni Robredo ay nagbigay ng personal na mga kadahilanan kung bakit nais nilang tumakbo siya bilang pangulo.
“I know VP Leni is more than competent and has the heart to serve our country,” sinabi ni Amor Velarde. “Para sa Bayan!” sambit ng isa pang tagasuporta “I have full confidence and faith in her ability to be President. She will get our economy, democratic system, moral values, national sovereignty, and hope the future back on track,” deklara ninEleanora De Guzman. Si Robredo ay matagal nang itinutulak upang maging standard bearer ng oposisyon na Liberal Party, na pinamumunuan niya bilang chairperson, sa mga susunod na halalan.
Ngunit sa mga nakaraang panayam, paulit-ulit siyang tumamggi sa paghangad ng pinakamataas na puwesto sa bansa.
Nitong nakaraang linggo, inilunsad ng mga tagasuporta ni presidential daughter Sara Duterte ang “Run, Sara, Run for President for 2022 movement” sa pamamagitan ng pamumudmod ng mga kalendaryo na may pangalan at larawan niya sa Quezon City.