Beth Camia Kamara nagkamali sa Anti Terror Act —Lagmay
Muling itinakda ng Korte Suprema ang pagpapatuloy ng oral argument sa Martes kaugnay sa Anti Terrorism Act.
Ganap na 5:30 ng hapon nitong Martes nang ipinag-utos na ni Chief Justice Diosdado Peralta ang adjournment ng oral arguments kaugnay sa Anti-Terrorism Act kasabay ng pagtatakda nito sa susunod na Martes sa ganap na 2:00 ng hapon.
Inianunsyo ang pagputol sa pagdinig habang nakasalang sa pagtatanong ng mga mahistrado ang isa sa mga abogado ng petitioners na si Atty. Alfredo John Molo, mula sa pagtatanong ni Associate Justice Marvic Leonen. Bahagi ng pagtatanong ng mga mahistrado sa mga abogado ng mga petitioner ay inilahad ni Albay Cong. Edcel Lagman na ang Sec.29 ng Anti-Terror Act na nagpapataw ng 24 na araw na pagkakulong sa mga taong naaresto ng walang arrest warrant ay mistulang pagbabalik sa mga sinaunang panahon o ancient times.
Nilinaw ni Lagman, na sa loob ng nakalipas na 122 taon ay idineara na itong labag sa batas.
Sa kasalukuyan ayon pa kay Lagman, na kapag nakulong ang isang indibidwal ng mahigit 36-hours at walang naisampang reklamo laban sa isang tao ay maituturing na itong arbitrary detention.
Inamin din ni Lagman na nakagawa ang Kongreso ng grave abuse of discretion nang payagan nitong maipasa ang Anti-Terror Act, dahil umano sa tyranny of majority sa Kamara, kaya kailangan itong aksyunan ng Korte Suprema.
Sa pagtatanong ni Justice Rosmari Carandang, nabanggit din ni Atty. Anselmo Cadiz na maituturing na “actual threat” o pagbabanta sa panig ng petitioners, ang ipinost sa Social Media ni General Antonio Parlade ng mga katagang: “Blood death’s will be settled” at bantayang mabuti ang mga atibidad, ng mga grupong ikinakabit umano sa red-tagging ng pamahalaan.