56% ng Pinoy handang magpabakuna—online survey

LUMABAS sa isang online survey na isinagawa ng isang grupo ng mga mananaliksik mula University of Santo Tomas (UST) na nasa 56 porsiyento lamang ng mga Pilipino ang handang magpabakuna laban sa COVID-19.

Sumalang sa survey ng UST-CoVAX Vaccine Awareness Team, sa pamumuno ni Fr. Nicanor Austriaco, ang nasa 15,600 respondents nitong Enero upang makuha ang pananaw at pagtingin ng mga Pilipino hinggil sa COVID-19 vaccines.

Sa 56 porsiyento na nagsabing handa silang magpabakuna, 24 porsiyento ang sumagot ng “definitely yes,” habang 32 porsiyento ang sumagot ng “probably yes.”

Samantala, nasa 10 porsiyento ang nagsabing hindi sila handang magpabakuna, kung saan 3.5 porsiyento ang sumagot ng “definitely no” habang 6.7 porsiyento ang nagsabi ng “probably no.”

Nasa 34 porsiyento naman ng mga respondents ang “unsure” kung nais nilang magbakuna o hindi.

Sa isang panayam sa DZMM Teleradyo interview, sinabi ni Austriaco na ang mga nagsabing hindi sigurado, ay nangangamba o natatakot na mabakunahan laban sa COVID-19.

Binigyang-diin din niya ang gampanin ng pamahalaan upang kumbinsihin ang ma Pilipino na ligtas ang pagpapabakuna.

“Remember, we have to vaccinate 100 percent of Filipinos to end this pandemic. Fifty percent is not good enough. We have to work to convince more of them to want to be vaccinated. Our survey showed that many are scared about the vaccine and its safety.

They are worried that it will not work or make them sick. They are worried about fake vaccines. There are many worries so the government has to reassure us all that the worries are not real. That they are worth the risk for our families,” paliwanag ni Austriaco.

“I am hoping that the DOH in its public awareness campaign will help provide information for that. So my team at UST-COVAX, we are already preparing public awareness campaign,” dagdag pa niya.

Ayon kay Austriaco kasalukuyan siyang nasa United States kung saan niya nakadaupang-palad ang ilang Filipino frontliners sa Massachusetts, Rhode Island, at Connecticut na nabakunahan na.

“I am asking them to help explain to the Filipinos, to their kababayans (countrymen) back in the Philippines that it was okay. We are getting testimonies from OFWs and overseas Filipinos who have been vaccinated to explain what it was like to be vaccinated,” aniya.

Pagbabahagi pa ni Austriaco, nakatanggap na siya ng unang dose ng Moderna vaccine. “The day after I slept all day and I had chills for 30 minutes but that was it,” saad pa niya.

Sa kaparehong oline survey, 50.9 porsiyento naman ng mga Pilipino ang nagsabing wala silang espisipikong pinipili kung anong coronavirus vaccine.

“We asked them, do you prefer the Chinese, Russian, or European/Western?” ani Austriaco. “Basically, 1 percent preferred Chinese, 2.3 percent preferred Russian, 45.7 percent preferred from US or Europe, and 50.9 percent have no preferrence (they will take anything safe and effective),” aniya.

Si Austriaco ay isang UST visiting professor of biological sciences at isa ring propesor ng biology sa Providence College sa United States at isa ring fellow sa independent group of experts ng OCTA Research.