#WeNeedDemocracy trending sa Myanmar kahit may ‘internet blackout’
YANGON (AFP) — Nakita ng Myanmar ang pinakamalaking protesta laban sa kudeta nitong Sabado kasama ang kabataang demonstrador na dumaragsa sa mga lansangan upang tuligsahan ang bagong rehimen ng militar ng bansa, sa kabila ng social media crackdown na naglalayong pigilan ang lumalaking koro ng popular na pag-aalsa.
Aabot sa 1,000 mga demonstrador ang nagmartsa sa isang kalsada malapit sa Yangon University, karamihan ay nagtaas ng three-finger salute na sumasagisag sa pagtutol sa pag-takeover ng hukbo, habang isang malaking grupo ng pulisya ay hinarangan ang kalapit na mga kalsada.
“Down with the military dictatorship!” sigaw ng karamihan, maraming ang nakasuot ng pulang mga headband - ang kulay na nauugnay sa pinatalsik na civilian leader na si Aung San Suu Kyi.
Ang martsa ay dumating ilang oras matapos makumpirma ng Twitter na ito ay naging pinakahuling platform na hinarangan ng junta, kasunod ng pagdagsa ng mga bagong gumagamit na umiwas sa pag-block sa Facebook at iba pang mga serbisyo sa internet upang ipahayag ang kanilang pagkagalit sa kudeta.
Ang hakbang na ito “undermines the public conversation and the rights of people to make their voices heard,” sinabi ng tagapagsalita ng Twitter sa AFP.
Habang lumalakas ang mga protesta ngayong linggo, inutusan ng junta ang telecom networks na i-freeze ang access sa Facebook.
Ang platform ay nag-host ng isang mabilis na lumalagong “Civil Disobedience Movement” forum na nagbigay inspirasyon sa mga civil servants, healthcare professionals, at mga guro na ipakita ang kanilang pagtutol sa pamamagitan ng pagboykot ng kanilang mga trabaho sa serbisyo sibil at mga ospital.
Pinalawak ng militar ang pagsisikap nitong pigilan ang pag-aalsa noong Biyernes nang humingi ito ng mga bagong pagharang sa iba pang social media services, kabilang ang Twitter at Instagram na ayon dito ay ginagamit “to cause misunderstanding among the public”.
Ilang internet-savvy users ang nagawang nalusutan ang social media block sa paggamit ng VPN services.
Pagsapit ng Sabado ng umaga, trending ang mga hashtag tulad ng #WeNeedDemocracy, #HeartheVoiceofMyanmar at “Freedom from fear” -- ang huli ay isang sikat na tinuran ni Suu Kyi quote - ay may milyun-milyong mentions.