Lake Lanao nananatiling malinis ngunit nanganganib sa pagkasira
HABANG ang 10 milyong taong gulang na Lake Lanao ay nananatiling malinaw at malinis, ang mga lokal na yunit ng pamahalaan sa paligid ng lugar ay kailangang palakasin ang mga pagsisikap na pangalagaan at protektahan ang sinaunang lawa mula sa pagkasira ayon sa pag-aaral na isinagawa ng Department of Science and Technology-National Research Council of the Philippines (DOST-NRCP).
Ang mga resulta ng tatlong taong pagaaral ay ipinakita ni Dr. Fema M. Abamo, propesor ng Mindanao State University sa Marawi City, sa isang webinar presentation
para sa panrehiyong caravan para sa pananaliksik sa Bicol.
“Our Lake Lanao from all sampling sites is still pristine; our water is still clean,” sinabi niya.
Sa loob ng dalawang taon, binantayan ng koponan ni Abamo ang kalidad ng tubig ng Lake Lanao sa limang mga sampling site. Kasama rito ang Marawi City, Ramain, Balindong, Taraka, at Binidayan.
Ginamit ng mga mananaliksik ang kasaganaan ng one-celled protozoan ciliates bilang bio-indicators ng organikong polusyon upang masubaybayan ang lugar.
Naobserbahan ang highest ciliate abundance sa littoral zone ng Balindong sa 0.0061cells / mL sa panahon ng tagtuyot, ayon sa kanila.
Binanggit ng pangkat ni Abamo ang isang nakaraang pag-aaral noong 1989, na ikinategorya ang mga lawa bilang ultra-oligotrophic kapag ang kanilang
kasaganaan sa ciliate ay katumbas o mas mababa sa 2.4cells / mL.
“Lake Lanao, therefore, is ultraoligotrophic having ciliate abundance below the set range in all sampling sites. Such lake category has very low nutrients, scarce growth of plants and algae, and high dissolved oxygen indicative of a clean, healthy, good water quality and not organically polluted lake,” sinabi nila. Nakuha ng mga mananaliksik ang kanilang mga sample ng tubig mula 50 hanggang 100 metro ang layo mula sa lakeshore sa mababaw na littoral zone at patungo sa mas malalim na open water sa pelagic zone. Nabanggit ng DOST na ang mga resulta ng pag-aaral ng koponan ay pinatunayan ng isa pang pangkat sa parehong programa na nagsasagawa ng pisikal at kemikal na katangian ng lawa. Natagpuan nila ang parehong mga natuklasan na ang lawa ay hindi marumi ngunit malusog pa rin at may mahusay na kalidad ng tubig.
Ang pag-aaral ng DOST-NCRP ay pansamantalang nasuspinde at kalaunan ay pinayagan na ipagpatuloy pagkatapos ng 2017 Marawi siege.
“The lake was reportedly deteriorating due to increased human population and activities around the lake,” sinabi ni Abamo.
Iminungkahi ng kanyang koponan na dahil ang mga tao ay nanirahan muli malapit sa lawa pagkatapos ng pagkubkob ng Marawi, ang mga lokal na pamahalaan na may kapangyarihan sa lugar ay dapat palakasin ang kanilang mga patakaran upang mapanatili ang malusog na kalagayan ng lawa.
“We have recommended to the local government to create and implement stricter policies and ordinances to conserve the lake, and regulate and check both the residential and business establishments around the lake,” sinabi ni Abamo, miyembro ng DOST-NRCP’s 4,944 research pool na kasangkot sa iba’t
ibang scientific disciplines.
Nabanggit ng DOST na ang Lake Lanao ay nakalista bilang isa sa 17 sinaunang lawa ng mundo na may tectonic-volcanic origin.
Ito ang pangalawang pinakamalaking lawa sa Pilipinas at ang pinakamalaki sa Mindanao, na tahanan ng 18 endemic cyprinids o mga isda ng tubig-tabang na nauugnay sa mga carp at minnow na hindi matatagpuan saan man sa mundo, sinabi nito.
“For generations, Lanao Lake has been a potent natural resource that breathes life to the Maranaws, as a source of their food and water, livelihood, religious practices, transportation and sports. But more than anything, the lake has shaped the Maranaw culture and tradition to what it is now and it has become imperative for the Maranaws to preserve its pristine beauty for a better and sustainable future,” ayon dito.