Ginagawang dahilan ang Covid para kalbuhin ang kagubatan
ANG mga pamahalaan sa buong mundo ay ginagamit ang pandemyang Covid-19 upang maitulak ang mga mapanirang proyekto sa pagunlad at bawiin ang mga proteksyon ng mga katutubong grupo, ayon sa isang pandaigdigang ulat tungkol sa deforestation at rule of law na inilabas noong Huwebes.
Sa isang pagtatasa ng Forest People’s Programme ng post-pandemic stimulus plans sa Brazil, Colombia, Democratic Republic of Congo, Indonesia at Peru ay natagpuan na ang mga proyekto
tulad ng mga mina, industrial agriculture plantations at mga dam ay nagpapalakas ng pagtaas ng mga pagaabuso sa karapatan.
Sa limang mga bansa na ito matatagpuan ang karamihan ng mga tropikal na kagubatan sa buong mundo. “During the pandemic, governments have not only failed to stop land grabs and human rights violations by corporate actors, but have rewritten and reversed hard-won policies that are vital at protecting human rights,” sinabi ni Myrna Cunningham, president ng FILAC indigenous rights group.
Maraming mga pag-aaral ang nagpakita ng mahalagang papel na ginagampanan ng mga katutubong pangkat sa pag-iwas sa pagbabago ng klima at pagkawala ng biodiversity.
Sila ay mga kritikal na tagapagalaga ng ilan sa mga pinakamayaman sa carbon at biodiverse na mga lupain sa Mundo, ngunit inilarawa ng ulat kung paano sila nanganganib sa tumataas na banta habang ang mga gobyerno ay naghahangad na paandarin ang economic recovery.
Sa Brazil, kung saan ang deforestation ng Amazon noong nakaraang taon ay umabot sa pinakamataas na antas sa loob ng isang dekada, nagsimula ang gobyerno ng isang “campaign to roll back protections of indigenous people’s rights,” ayon kay Sofea Dil, isang mananaliksik sa Yale Law School na nagtrabaho sa ulat.
Sa Colombia, ang pagkalbo ng kagubatan ng Amazon ay bumilis ng
80 porsyento sa panahon ng Covid lockdown, habang ang pamahalaan ay nagtulak sa mga hakbang upang mapahina ang mga proteksyon para sa mga taong nakatira sa kagubatan.
Sa DRC, sinabi ng mga mayakda na ginamit ng gobyerno ang pandemya bilang isang dahilan para sa mga bagong patakaran na umiwas sa matagal nang mga “moratoriums on resource extraction” sa mga katutubong lupain.
‘Impunity’
Sa Indonesia, isang bagong batas na mistulang naglalayon sa paglikha ng trabaho ay nagpapahina sa mga batas sa pangangalaga sa kapaligiran at mga proteksyon para sa mga karapatan ng mga katutubo, ayon sa ulat.
At sa Peru, idineklara ng gobyerno na magbubukas muli ang ekonomiya simula sa sektor ng kagubatan, pagmimina at langis.
Ipinagpapaliban nito ang mga multa sa kapaligiran at sinususpinde ang mga ulat sa pagsubaybay sa kapaligiran at panlipunan upang simulan ang pagbangon.
“The government presents Covid19 rules as an exception, but these exceptions merely roll things back to business as usual,” sinabi ni Anna Wherry, co-author ng assessment.
“All five countries in this study use this approach; the Covid-19 pandemic has enabled these governments to look past indigenous rights with impunity.”