11 Pinoy engineers lalahok sa UK satellite design development training
Inaasahan na magpadala ang Pilipinas ng 11 na mga inhinyero upang lumahok sa isang know-how transfer and training (KHTT) na programa sa United Kingdom para sa pagpapaunlad ng satellite design sa hangaring mapalakas pa ang space technology program ng bansa, inanunsiyo ng Department of Science and Technology (DOST)
Sinabi ni DOST Secretary Fortunato T. de la Peña na ang programa ng KHTT ay magsisimula sa Abril ng taong ito.
“Eleven Filipino engineers are set to participate in a know-how transfer and training (KHTT) program in the United Kingdom starting April 2021 for the development of the design of a multispectral unit for land assessment (MULA) satellite,” sinabi niya sa isang ulat. Nabanggit niya na ang MULA ay isang 100-hanggang-150-kilo (kg) na maliit na satellite platform na may pangunahing high-resolution multispectral payload at isang pangalawang Automatic Identification System (AIS) at Automatic Dependent Surveillance Broadcast (ADS-B) payload.
Ang satellite platform ay naka-target na ilunsad sa 2022,” sabi ni de la Peña.
Isiniwalat din niya na ang DOST-Advanced Science & Technology Institute (ASTI) ay kasalukuyang ina-upgrade din ang kanilang Davao Ground Receiving Station (DGRS) upang direktang makatanggap ng space-borne data mula sa NovaSAR-1 satellite.
“Direct reception of satellite data translates to faster availability of useful information making us more responsive to time-sensitive and critical events such as disaster response,” sinabi niya. Nitong Linggo, Peb. 21, sa 1:36 ng umaga (lokal na oras), ang Maya-2, ang pangalawang nanosatelit ng bansa at ang ika-apat na satellite, ay inilunsad sa kalawakan sakay ng S.S. Katherine Johnson Cygnus spacecraft. Matagumpay na inilunsad ang 1.3 kilogramcube satellite kasama ang mga nanosatellite ng Japan at Paraguay sa National Aeronautics and Space Administration (NASA) Station sa Virginia, United States.
Ang tatlong satellite ay nakatakdang ilulunsad sa International Space Station (ISS).