Myanmar junta nagbabala ng mas maraming mamamatay
YANGON (AFP) — Binalaan ng Myanmar junta ang mga nagpoprotesta laban sa kudeta na maaari silang mamatay ngunit libu-libong mga tao ang muling nagtungo sa mga kalye nitong Lunes, sa paglala ng tensyon kasunod ng pagkamatay ng apat na demonstrador.
Karamihan sa Myanmar ay nagngingitngit dahil sa pagpapatalsik at pag-detain ng mga heneral na pinuno ng sibilyan na si Aung San Suu Kyi tatlong linggo na ang nakalilipas.
Naganap ang malalaking mga demonstrasyon sa kalye sa buong bansa, habang ang civil disobedience campaign ay ginambala ang maraming pagpapatakbo ng gobyerno pati na rin ang mga negosyo.
“Protesters are now inciting the people, especially emotional teenagers and youths, to a confrontation path where they will suffer the loss of life,” saad sa pahayag sa on state-run broadcaster MRTV nitong Linggo.
Ang pahayag, na binasa sa Burmese at may teksto ng English na bersyon sa screen, ay nagbabala sa mga nagpoprotesta laban sa paguudyok ng “riot and anarchy”.
Ang babala ay sumunod sa pinakamadugon weekend mula noong kudeta - dalawang katao ang napatay nang pinaputukan ng security forces ang mga nagpo-protesta sa lungsod ng Mandalay, at isang pangatlong lalaki ang binaril sa Yangon.
Isang batang babae din ang namatay noong Biyernes matapos pagbabarilin sa ulo sa isang protesta. Sinabi ni United Nations special rapporteur Tom Andrews na labis siyang nababahala sa bagong banta ng junta.
“Warning to the junta: Unlike 1988, actions by security forces are being recorded & you will be held accountable,” tweet niya.
Ngunit ang mga nagpoprotesta ay lumitaw na walang takot nitong Lunes, kasama ang libulibo na nagtitipon sa dalawang kapitbahayan ng Yangon, ang pinakamalaking lungsod at sentro ng komersyo ng Myanmar.
“We came out today to join in the protest, to fight until we win,” sinabi ni Kyaw Kyaw, isang 23-anyos na university student.
“We are worried about the crackdown, but we will move forward. We are so angry.”
Mayroon ding mga demonstrasyon sa mga lungsod ng Myitkyina at Dawei.
Ang mga nagpo-protesta ay nagtungo din sa mga lansangan ng Naypidaw, ang kabisera, sakay ng mga motorsiklo.