PROBY KA PA!

Tapik ng GAB kay Abueva; IATF, pinasalamatan ni Mitra

HINDI pa tapos ang probation period ng kontrobersyal basketball player na si Calvin Abueva kung kaya’t kailangan niyang tupdin ang kondisyon ng Games and Amusements Board (GAB) nang muling ipagkaloob ang kanyang professional license.

Ayon kay GAB Chairman Abraham ‘Baham’ Mitra hindi pa tapos ang responsibilidad ni Abueva hingil sa mga napagkasunduang kondisyon kaya’t maaaring malagay sa alanganin ang kanyang pagbabalik laro sa pagbubukas ng PBA season kung patuloy niyang babalewalain ang GAB.

“After the offseason trade of former Phoenix Super LPG Fuelmasters Calvin Abueva to Chris Banchero of the Magnolia Hotshots Pambansang Manok team, the Games and Amusements Board (GAB) reached out to Abueva through his new team manager, Mr. Alvin Patrimonio, to remind him that he still needs to be mindful of his compliance with the conditions set forth by the regulatory agency as part of the lifting of his suspension,” pahayag ni Mitra.

Matatandaang nitong Oktubre, ibinalik ng GAB ang lisensiya ni Abueva matapos makipagkasundo ang kampo nito na tutupdin ang dalawang karagdagang requirements: Pagdalo sa seminar ng Code of Conduct and Ethical Standards of a Professional Athlete at pagsasailalim sa mandatory drug test bilang bahagi ng kanyang medical requirements.

Ang naturang kasunduan na nilagdaan din nina Phoenix team manager Paolo Bugia and heads coach Topex Robinson na naging daan para sa pagbabalik aksyon ng Gilas member sa PBA ‘bubble’ nitong Disyembre sa Laguna.

Iginiit ni Mitra na nakumpleto ni Abueva ang pagdalo sa mandatory monitoring sessions ng GAB hanggang Disyembre, ngunit hindi na umano ito nakilahok simula nitong Enero at ibinibigay na dahilan ang pamilya.

“Calvin is still under the six-month probation period. Even if he has transferred to a different team, as a professional athlete licensed by GAB, he still needs to honor what has been agreed upon and his commitment to the Board which was the basis of the reinstatement. He is a professional athlete and the youth look up to him. We expect him to set an example to the younger generation,” sambit ni Mitra.

Samantala, pinasalamatan ni Mitra ang Inter-Agency Task Force (IATF) sa desisyon na payagan ang pagbabalik ensayo at aksyon ng non-professional sports sa mga lugar na nasa ilalim ng Modified General Community Quarantine (MGCQ).

Ayon kay Mitra, makatutulong ito para unti-unting makabalik ang sports, gayundin ang kabuhayan ng mga indibidwal na naapektuhan nang ipatupad ang lockdown sa kabuuan ng bansa para maabatan ang hawaan sa COVID-19.

“We hope that all other leagues shall be given the same support and approval to help all Filipino athletes and their families sustain their livelihood during these trying times. We would also like to call for solidarity and ask other sports leagues, whether professional or non-professional, to continually comply with the health and safety guidelines in order to avoid the possible transmission of COVID-19, as this fight is not only ours but of the entire sports community,” pahayag ng dating Palawan Governor at Congressman.

Sa desisyon ng IATF, nagbalik ensayo na sa ‘bubble’ ang mga atleta na sasabak sa qualifying meet para sa Tokyo Olympics, gayundin ang mga sasabak sa Southeast Asian Games sa Vietnam. Napayagan na rin ang Philippine Super Liga beach volleyball sa Subic.