Tiger Woods, sugatan sa aksidente
LOS ANGELES (AFP) — Panibagong dagok sa career at personal na buhay ni Tiger Woods.
Nagtamo ng malubhang injury sa paa ang golf superstar nang bumangga at nagpagulong-gulong sa pababang kalsada sa Los Angeles suburbs ang minamanehong sasakyan nitong Martes (Miyerkoles sa Manila).
Ayon sa ulat ng Los Angeles Times at ESPN, mula umano sa mapagkakatiwalaang source, nagtamo si Woods nang bali sa mga paa. Sa pahayag ng kanyang agent, kaagad na sumailalim sa surgery ang mga paa ni Woods at inilarawang malubha ang kalagayan.
Ito ang ika-10 surgery ni Woods na nagtamo ng mga injury sa tuhod, likod at leeg sa nakalipas na dekada.
Kaya ang malaking katanungan at kung makalalaro pang muli ng golf ang 15-time major golf champion.
“As if his body hasn’t endured enough,” pahayag ni Jon Rahm, ang No. 2 player sa world na kasalukuyang naglalaro sa Workday Championship sa Florida. “I just hope he can get out of the hospital after recovery and he can still play with his kids and have a normal life.”
Nasa Los Angeles si Woods nitong weekend bilang tournament host sa Genesis Invitational na nagtapos nitong Linggo, at kasalukuyaang inaasyon ang film content para sa kanyang Discovery-owned GOLFTV.
Hindi pa naglalaro si Woods mula nang sumailalim sa back surgery – ikalimang pagkakataon – nitong Dec. 23.
“I’m sick to my stomach,” smbit ni Justin Thomas, ang No. 3 sa world at isa sa batang players na ipinapalagay na susunod sa kanyang mga yapak. “It hurts to see one of my closest friends get in an accident. Man, I just hope he’s all right.”
Kaagad ding nagpaabot nang pag-aalala at dasal ang mga kapwa sports superstars at kaibigan tulad nina Jack Nicklaus at Michael Jordan, Mike Tyson, at dationg US Presidents Barack Obama at Donald Trump, na kapwa regular na nakakalaro ni Woods. Nitong 2019, pinagkalooban si Woods ng Presidential Medal of Freedom sa White House. Napantayan ni Woods ang 82 career PGA wins ni Sam Snead at tatlong major title ang layo sa record na 18 na tangan ni Nicklaus. Sa panayam sa Genesis Invitational television broadcast, sinabi ni Woods na umaasa siyang makalalaro sa Masters sa April 8-11.
Ayon kay Los Angeles County Sheriff Alex Villanueva, naibsan ang injury ni Woods dahil sa airbags sa kanyang SUV nang maganap ang insidente ganap na 7:15 ng umaga.
Sa inisyal na imbestigasyon, walang bahid ng alcohol o anumang gamot sa sasakyan ni Woods, ngunit walang impormasyon kung gaano kabilis ang kanyang pagmamaneho.