Nagbalik ang WHO mission dala ang impormasyon sa pinagmulan ng pandemya
SAMPUNG international experts – epidemiologists, mga animal at human disease experts, medical doctors at virologists –mula sa sampung bansa, ang sumama sa limang eksperto ng World Health Organization (WHO), dalawang kinatawan ng Food and Agriculture Organization (FAO) at dalawa mula sa World Health Organization for Animal Health sa isang misyon kamakailan ng WHO na layong tuntunin ang pinagmulan ng COVID-19 pandemic sa Wuhan, China.
Kinakatawan ng WHO mission ang hangarin ng 194 miyembrong estado ng United Nations na matunton ang pinagmulan ng COVID-19 virus, makakalap ng mas maraming impormasyon hinggil sa sakit na makatutulong upang mapuksa ito at makatugon sa mga posibleng kahaharapin pang pandemya.
Sa pagtatapos ng misyon, sinabi ng grupo ng WHO na: (1) it was “extremely unlikely” that the virus had leaked from the Wuhan Institute of Virology; (2) bats remain a likely source; (3) transmission of the virus via frozen food is a possibility that warrants further investigation; and (4) there is “need to ensure we are looking beyond the borders of China as well as within China.”
Ang 40-pahina “Report of the WHO-China Joint Mission on Coronavirus Disease 2019” ay nagbibigay ng isang analisis at rekomendasyon na inaasahang higit pang makatutulong sa kaalaman ng sangkatauhan at kakayahan sa mga susunod pang epidemiological crises sa maagang deteksyon at pag-aksyon dito.
Iwinaksi rin ng grupo ang mga paninira sa China na naging laman ng mga unang balita. Sinabi ni British expert on disease ecology Dr. Peter Daszak: “As lead of the animal/ environment working group, I found trust and openness with my China counterparts. We got access to critical new data throughout.”
China ang unang bansa na nag-imbestiga sa virus nang akalain na isa lamang itong ordinaryong trangkaso, na nagbahagi sa mundo ng virus’ genetic data noong Enero 2020 at ang serye ng lockdown na ipinatupad sa China. Sinundan ito ng pagbibigay ng apat na mungkahi para sa paglaban sa pandemya: kooperasyon sa paglaban kontra COVID-19, buong implementasyon ng UN Security Council resolutions at paglikha ng mainam na kapaligiran para sa paglaban sa pandemya, paglutas sa kakulangan ng bakuna at dagdag na tulong sa mga papaunlad pa lamang na bansa, at pagbibigay ng pagpapaunlad sa gampanin ng United Nations system.
Higit isang taon matapos umusbong ang COVID-19 virus sa China, nahaharap ngayon ang mundo sa panibagong pagsubok, partikular ang pangangailangan para sa mas epektibong bakuna. Patuloy na sinusubok ang mundo ng pandemya, sa panahong ito ang suliranin sa suplay ng bakuna—sa harap ng mataas na presyo at kakulangan ng suplay.
Bumalik ang WHO mission mula China bitbit ang mga impormasyon hinggil sa pinagmulan ng virus. Ang kailangan ngayon ay ang mas matinding kooperasyon ng mga bansa upang maabot ang bilyon-bilyong populasyon ng mundo na matinding nangangailangan ng bakuna upang mahinto ang pandemya.