J&J COVID vaccine nakatanggap na ng EUA sa US: FDA
Binigyan na ng awtorisasyon ng United States ang bakuna ng Johnson & Johnson para sa emergency use, ang ikatlong bakuna laban sa COVID-19 na maaari nang magamit ng bansa upang malabanan ang outbreak na kumitil sa buhay ng higit kalahating milyong Americans.
Ang single-shot ng bakuna ay “highly effective” upang maiwasan ang malalang kaso ng COVID-19, kabilang ang mga bagong variants, pahayag ng Food and Drug Administration (FDA) bago ibigay ang awtorisasyon.
“This is exciting news for all Americans, and an encouraging development in our efforts to bring an end to the crisis,” pahayag ni US President Joe Biden.
Sa kabila nito, hinikayat pa rin niya ang mga Americans na manatiling maingat sa pagsunod sa anti-virus curbs kabilang ang social distancing, kasama ng paalala na patuloy na nagdadala ng banta sa bansa ang new variants ng virus.
“But we cannot let our guard down now or assume that victory is inevitable,” aniya.
Nakikitang mahalaga ang ikatlong bakuna upang mapalakas ang immunization rate ng United States, kung saan higit 500,000 tao na ang binawian ng buhay sa coronavirus.
Sa malawakang clinical trials, nasa 85.9 porsiyento ang bisa ng J&J vaccine laban sa malubhang kaso sa United States, 81.7 porsiyento sa South Africa, at 87.6 porsiyento sa Brazil.
Sa kabuuan, sa 39,321 participants sa lahat ng regions, nasa 85.4 porsiyento ang bisa ng bakuna laban sa severe COVID-19, ngunit nasa 66.1 porsiyento lamang kung isasama ang moderate forms ng sakit.
Mahalaga namang matid na sa analisis sa iba’t ibang demographic groups walang naitalang pagkakaiba sa usapin ng edad, lahi, o mga tao na may iniindang ibang karamdaman.