Kudeta (25)

Simmirip ni Daniel iti peep hole. Lima a lallaki ti adda iti ridaw. Nakaiggemda amin iti paltog!

Ti Napalabas: Pinanggep da Edgar a butbutngen ni John ngem pinarmek ni John dagitoy. Kayat ni John nga ikkan iti pagnakmanna ni Edgar. Sinerrekna iti kuarto daytoy iti hotel. Nadiskarkulona ti kabaelan ni Edgar ket naisagmak koma no saan a dimteng da Daniel. Nabuya ni Loida ti naiparang a ladawan dagiti nangbomba iti Luneta ket nagapada ken Daniel. Pinagpanaw ni Loida ni Daniel. Napan sinabat ni John ni Gloria Sarandi iti LIA. Intarusna iti hotel. Nadlawna a gargarien ni Gloria isu a bimmaba ket kinasaritana da Daniel ken Jerky. Impudno dagiti dua nga isuda ti nangbomba iti Luneta. Dida ammo, addan nangkidnap ken ni Gloria. Innalada ni John iti kuerpo ti polisia ket inimbestigarda. Insardengda laeng idi dumteng ni Rommel. Inawagan dagiti nangkidnap ken ni Gloria. Dumawdawatda iti sangapulo a milion a pisos a ransom. Impakammona daytoy ken ni Mr. Bosworth ket imbilin daytoy ti panangiruarna iti pangsakana ken ni Gloria iti pundo ti CIA. Kabayatanna, napatayen da Edgar ni Eddie Quirino ken dimmanonen daytoy iti Presidente ket kayat ni Pat nga ibabawina ti ipapanna iti Ilokos. Napan sinabat ni John ni Ricky Ramirez iti LIA ngem idi addadan iti dalan, nadlawda ti mangsursurot kadakuada. Naglemmengda ket naammuanda a ni Craig Stewart, a di ammo ni John a maysa kadagiti CIA nga agpangpanggep a mangpatay iti Presidente.

“N(Maika-25 a Paset) ASKEN kadi pay a buongem ti sarming?” makasuron a kinuna ni Craig. “I could have just opened it for you. This is just a rental car you know.”

“And give you a chance to pull your weapon?” “You know I’m not gonna shoot you.” “You’re a CIA... non-trustable...” “A kas met laeng kenka.” “Let’s not waste our time, Craig...”

kinuna ketdi ni John. “What the fuck are you doing here?”

“Why, ain’t we entitled to an R&R, too?” nalastog ti panagsungbat ni Craig.

“Don’t test my patience, Craig... What the hell are you doing here? Why are you following me?”

“I didn’t know we were following you... it was a wrong vehicle...”

Nakasuron ni John. Tinibabna ti timid ti ahente babaen ti kanigidna. “Kunak a dinak kusiten!”

Naparasaw ni Craig. “Pinadaranakon!” inngariet ni Craig. Impunasna ti dakulapna iti agdardara a bibigna.

“Tuktukkolek dagiti tultulangmo no dika agsao iti pudno. Ita, apay a sursurotennak?”

“We were told you needed a help. Miss Davis is missing and the agency is interested on what happened to her.” “Agul-ulbodka.” Ket sinultak manen ni John ni Craig. “I was told to investigate the disappearance of Miss Davis... that’s it!” inriawen ni Craig.

Napaanges ni John iti nauneg. Insabikelna ti paltogna. “Go home. I don’t need your help nor the agency’s help.”

“You are a son of a bitch!” impakamakam ni Craig kabayatan ti yaadayo ni John.

“I’d been called worse than that, Craig! Have a nice day!” insungbat ni John a saanen a timmaliaw.

Agsisilpon ti rasaw ni Craig. Nalagipna nga adda pay laeng iti linia ti ambassador. Pinidutna ti selpon sa iti nababa a timek kinunana: “S-sir...”

Nagkatawa ti lakay iti bangir a linia. “Ania ti imbagak kenka, Craig? Stay away from John...” “He is crazy, sir... F__k that son of a bitch.” “Dimo padasen a kurosen ti dalanna, Craig.” “I can fight him, sir.” “Cool off. Stay with the mission. Forget about him. And as long as he is not going to interfere with you guys, leave him alone. He got his own big problems. So leave him alone, do you understand?” “Yes, sir.” “Stick with what you’re told to do. Diak kayat nga agbidduttayo. Kritikal daytoy a misiontayo, isu a diyon bibiangan ni John. Nalawag?”

“Yes, sir!”

NABANNAYATEN ti taray ti lugan da John nga agturong iti balayda. Nagulimeken ni Ricky kalpasan ti atiddog bassit a katkatawada ket ita nagmawmawen, mariribukanen ni John a mamagsisilpo kadagiti pasamak. Iti di mabayag, umay ti Presidente ditoy Ilokos tapno agsarita iti sango dagiti kameng ti League of Municipalities of the Philippines, Ilocos Norte Chapter weno ti liga dagiti mayor ditoy iti Ilocos Norte iti uneg ti kapitolio.

Ita, addan dagiti CIA ditoy Ilokos. Advance party ngata tapno maadalda ti lugar. Umayda siguro planuen no kasano a makastrekda iti kapitolio tapno maisayangkatda ti gandatda.

Immanges iti nauneg ni John. Agsusukoten dagiti pakarikutanna. Nagpukaw ni Melanie. Aginga ita, awan pay uray sangkabassit laeng a pangrugianna a mangitunda kenkuana iti yan ni Melanie. Sa ita, kinidnap met ti Abu Sayyaf ni Gloria.

Dina napuotan ti nagbassawang. Nataliaw la ket ngarud ni Ricky. “Apay?” sinaludsod ti gayyemna. “My life is getting more complicated,” insennaay ni John. “Agtataruptopen ti pakarikutan.”

“Nangted ni Deputy Bosworth iti summary maipapan iti mapaspasamak iti Filipinas, maipapan ken ni Melanie, maipapan iti babai nga agnagan iti Gloria Sarandi. Ngem ti kangrunaan nga inagapadna... lapdanta ti CIA a mangkudeta iti Presidente.” Saan a nagtimek ni John. “Asino kadi dayta Gloria Sarandi?” dinamag ni Ricky. “Ti mayor of Isabela City a nangtulong kaniak a nangdadael iti Oplan: Maharlika. Immaynak sinarungkaran ngem kinidnapda.” “Ammom no asino ti nangkidnap?” “Dakkel ti atapko a ti Abu Sayyaf. Ti pakasdaawak, no apay a ditoy pay ti nangkidnapanda idinto a nawaya met nga aramidenda idiay Basilan.” “There is a hidden agenda...” agpatpatang ni Ricky. “Siguro... Ken dumawdawat dagiti kidnaper iti 10 milion a pisos.”

“Asino kadi ni Gloria Sarandi kenka ta sika ti pangdawatanda iti ransom? Are you romantically involve with this woman?” “Shut up, Ricky... I’m engaged to Melanie.” “Okey, okey. Ngem agbayadka kadi? ““Saan a kayat ti Deputy a madadael ti panawenko a mangsolbar iti dayta a pakarikutan isu nga agbayad ti CIA...”

“Ti CIA, mangted iti ransom? Di met maiparit dayta kadakuada?”

“Maiparit... ngem I’m paying anyway.”

Napasanaltek ni Ricky. “That’s CIA anyway. Always complicated and full of intrigues. You got the money? When is the drop off?” “Agur-urayak pay laeng iti instruksion.” “How much time we have?” “Less than 24 hours.” “Do we know if the kidnappers are organized? And how many people are involved?”

“Awan pamalpalatpatak. Ti kadakkelan a problemata, saanta a maaramat dagiti sophisticated a communication systems ditoy. We can’t trace the call. We can’t use satellite.”

“Satellite...” inulit ni Ricky. “Why can’t we call the Deputy? Have him assign us one dedicated satellite to cover both our operations— ti kidnapping ken ti kudeta.”

“I don’t know if the deputy can pull a string this big. You know that we are operating against the Director’s plan. The Deputy is alone. What we are fighting against are the Director of CIA, State Department and the Department of Defense. We are alone, rogue and renegade operators. Ket no maammuanda daytoy nga ar-aramidentayo, anupendatayo ti death squad.”

“Shit,” nayesngaw ni Ricky. “I don’t even know why we are doing this. There’s not even any money involve. Just principles.”

“Yes... a belief that as a nation, we should not interfere in the sovereign power of other nations. It’s immoral then and still immoral now. Let the people of the Philippines chose their own leaders... not America.”

Immanges iti nauneg ni Ricky. “Well, kontraktorak laeng ti CIA. You are the CIA, John. So, it’s your call.”

Nangemkem ni John. “I had made up my mind, Ricky. I have to stop the coup. And God help me. Kangrunaanna...” “Kangrunaanna...?” “Ibagata man a maysaakon nga Amerikano... ngem iti kaunggan ti pusok, I’m still a Filipino!”

Nasingada iti panagkiriring ti selpon. Sabali a kiriring ket ammo lattan ni John a ti selpon ni Gloria.

“Hello,” nakaparpardas ni John a simmungbat. Impaigidna ti lugan sa nagparada.

“Naisaganam kadin ti kuarta?” saludsod ti immawag. Lalaki.

“Agturongakon iti banko. Dika madanagan, adda kuarta.”

“Ngem saan a nalaka ti mangiruar iti

dakkel a gatad!”

“Ammok dayta. Ngem dika madanagan. Adda special procedure nga ar-aramidenmi. Ikkannak iti dua nga oras...”

“Alas dies beinte ita... Sakbay ti alas dose media, umaymo ipan ti kuarta.”

“Wen,” insungbat ni John. “Ngem kayatko a makasarita ni Gloria. Kayatko a makasigurado nga awan ti dakes a napasamak kenkuana... a sibibiag pay laeng.”

“Saan a mabalin. Makasaritamto laeng inton ibagak no sadino ti pangipanam iti kuarta.”

“No saanmo maited ti sangkabassit a kidkiddawek, awan ngaruden ti nasken a pagsaritaanta. Lipatemon ti kuartam.” Ket pinuteden ni John ti linia.

Napalingay ni Ricky ken ni John. Nagkinnitada. Kamkamaten ni John ti angesna. Ammona nga umawagda kenkuana. Ammona a kasapulanda ti sangapulo a milion. Isu a nakaturong itan ti panagkitana iti selpon. Ur-urayenna nga agkiriring.

“Amangan no papatayenda ni Miss Sarandi,” nayesngaw ni Ricky. Saan a naguni ni John. Madamdama pay, nagkiriring ti selpon. “Maminsan pay a putdem ti saritaanta, papatayekon ni Miss Sarandi,” imbugkaw ti lalaki iti bangir a linia. Sinaruno ti nagsaruno nga uni ti kasla lippaak, ken asug ti maysa a babai. “John...” agsangsangit ti timek-babai. “Glory?” nayesngaw ni John. Adda asi iti timekna. “Saanmo nga ited ti dawdawatenda, John! Bay-am lattan a papatayendak,” insangit ni Gloria.

“Husto daytan!” nangngeg ni John bugkaw ti lalaki. Siguro, inyadayo daytoy ti selpon ken ni Gloria. “Napnekkan?” Ammo ni John nga isu itan ti kasarsarita ti lalaki.

Nagsawan ni John iti dakes ti lalaki. “Ulitem pay a saktan ni Gloria, sapulenka ket papatayenka!”

“Saanka laeng a mauyong, John... Nalastogka pay! Awaganka kalpasan ti forty-five minutes!” Naputolen ti linia.

Immanges ni John iti nauneg. Makasuron iti pannakangngegna iti panagikkis ni Gloria. Sinaktanda la ketdi. Agburburek ti darana. No asino man daydiay a lalaki, no agkitada, siguraduenna a papatayenna. “Ania itan?” sinaludsod ni Ricky. “Inta iti banko. Inta mangiruar iti sangapulo a milion a pisos.”

AGIL-ILAD pay laeng ni Edgar iti kamana. Nasakit ti ulona a nakariing itay. Nalabit a gapu iti kaadu a nainumda itay parbangon. Sa bigaten itay makaturog ta nagbuya pay iti nasapa a damdamag. Ti pay laeng pannakatay ni Board Member Eddie Quirino ti kabaraan a damag.

Napaisem. Nalabit, makiwar bassit ti Ilokos ita. Nangnangruna ket sumarungkar ti Presidente.

Nasinga iti panaguni ti selponna. Adda photo message manipud iti Messenger. Linuktanna. Uray la a kasla nasulnot dagiti matana iti pannakakitana iti ladawan ni John Villa a kaduana da Daniel ken Jerky.

Naparasaw. Adda ditoy dagiti dua a tao a kayatda a papatayen nga awan man laeng ti pupuotda!

Nagkiriring ti selponna. Ammona lattan no asino ti umawawag.

“Anong mga klaseng tao kayo?” agpupungtot ti timek ti heneral. “S-sir...” kasla maamak a sumungbat ni Edgar. “Nandiyan lang ang mga hinahanap ninyo, hindi pa matagpuan?”

“S-sir... nakaalaanna daytoy?” Ti ladawan ti kayat a sawen ni