VACUUM SEALER?

No awananka iti ‘ vacuum sealer,’ mabalinmo nga aramiden daytoy. Sakbay nga idulinmo iti freezer ti ania man a taraon (wenno di pay naluto a taraon a kas iti karne), ikarga daytoy iti plastic ziplock bag sa mangibati iti maysa a pulgada a silulukat a paset ti ziplock (dimo rikrikpan amin). Kargaan ti kaserola iti danum sa in-inut nga itaneb ditoy ti naka- ziplock a taraon; iti kasta, maiduron a rummuar ti nabatbati nga angin iti uneg ti ziplock. Rikpan a dagus ti ziplock; pamagaan sa iserrek iti freezer. Napapaut ti biag ( shelf life) ti taraon a vacuum sealed wenno awanen ti nabati pay angin iti nakaidulinanna ta maawan met ti bakteria a mangdadael iti taraon.