‘Propesional’ nga Agtrabaho da Xian ken Louise

AMMO dagiti bida iti pelikula a “Hanggang Kailan” a da Xian Lim ken Louise Delos Reyes nga adda kaayanayat ti tunggal maysa isu a nagan-annadda kadagiti nabara nga eksena iti nasao a pelikula. Adda ngamin nagsaludsod no adda rissik (spark) iti nagbaetanda. Kuna met ni Louise nga awan ta ad-adda kano met a nangsutsutil ti inobra ni Xian. Sa innayonna a para kenkuana, ‘propesionalda’ iti trabahoda. Malaksid iti daytoy, kuna pay ti aktres nga amammoda met ti karelasionda ti tunggal maysa iti pudno a biag. Kabayatanna, maysa ni Xian kadagiti prodiuser ti “Hanggang Kailan” ket inakona a nangiruar iti bukodna a kuarta a bingayna iti puonan. Ket kas prodiuser, ‘ hands on’ met iti panangasikasona iti produksion ti pelikula. Indirehe ni Bona Fajardo, maipabuya iti daytoy Pebrero 6 ti “Hanggang Kailan” iti produksion ti Viva Films BluArt Productions ken XL8.—O