Ti Gasatmo Ita a Lawas
PISCES (Pebrero 20- Marso 20). Positibo ti panangsarabom iti daytoy a lawas. Nupay babassit, naruay ti maawat a parabur ita nangruna no ad-adda a kitaem ti diamante iti ummong dagiti uging. Nagasat a numero: 1, 5, 9.
ARIES (Marso 21- Abril 20). Gapu iti paniempo ken iti yanmo a lugar, makapadukot daytoy a lawas. Ngem iti biangmo nga adda iti sidong dagiti patpatgen, namaris ken makapnek ti biag. Nagasat a numero: 3, 4, 7.
TAURUS (Abril 21- Mayo 20). Makasalidaka iti daytoy a lawas. Ikagumaanan ketdi a saan a maapektaran kadagiti saosao yantangay saan met a sumardeng dagitoy no tutopan. Kabaelam ketdi ti mangliklik iti ania man a parikut wenno riribuk. Nagasat a numero: 2, 6, 8.
GEMINI (Mayo 21- Hunio 20). Tapno napapartak ken tapno ad-adu ti mairingpas nga aramid, bingaybingayen dagitoy maibatay iti importansia, nangruna ket agparikutka no aggigiddan ti sanguem. Naragragsak met ti biagmo no makontrol ti panagpaadu iti am-ammo. Nagasat a numero: 1, 4, 7.
CANCER (Hunio 21- Hulio 20). Iti daytoy a lawas, mangeddengka iti maysa a narisgo a banag. No kabaelam ti umawat iti risgo, aramiden; no saan, saan. Ad-adu ti maaramidam no naragsakka. Nagasat a numero: 3, 5, 9.
LEO (Hulio 21- Agosto 20). Nadalus a panunot ti kasapulam iti daytoy a lawas. Gimminad dagiti aramid iti kallabes gapu iti pannakaisagudmo kadagiti bambanag wenno isyu a saan met a nasken a pakaipasungalngalam. Siguraduen a saan ita a masayang ti orasmo. Nagasat a numero: 1, 6, 8.
VIRGO (Agosto 21- Septiembre 22). Ti naidumduma a panagtalekmo iti bagim ti mangidur-as kenka iti daytoy a lawas. Agsasamusam dagiti parikut iti aglawlaw ngem gapu iti panangituonmo iti imatangmo iti nasken a maaramid, nalinak latta ti biagmo. Nagasat a numero: 2, 5, 9.
LIBRA (Septiembre 23- Oktubre 22). Adu dagiti naririmat nga ideyam a masapul a tarakenem. Ibinglaymo daytoy no masinunuom a maipakat a naimbag, ken para iti pagimbagan ti kaaduan, saan ket a tapno laeng mapagnaaran ti manmano. Nagasat a numero: 3, 4, 7.
SCORPIO (Oktubre 23- Nobiembre 22). Komplikado ti amin para kenka gapu iti panangitugtugotmo iti dagensen iti kallabes. Mabalin nga ikali dagiti babantot. Asitgan laeng ita dagiti positibo ti panagpampanunotna. Nagasat a numero: 2, 6, 8.
SAGITTARIUS (Nobiembre 23- Disiembre 20). Iti agdama a proyektom, masapulmo dagiti nasuoten nga idea. Adda dagiti pagayammo a manakem nga agur-uray laeng ti yaasidegmo tapno ipaayda ti tulong a kasapulam. Nagasat a numero: 1, 4, 7.
CAPRICORN (Disiembre 21- Enero 19). Maipalagip kenka ti pateg ti pannakikadua babaen ti pananglukat iti panunot ken panagsaad iti pagtaktakderan ti sabali. Maamiris ketdi a saan met nasken a pagayam ti amin a tattao ta mayattayo man wenno saan, addada latta dagiti saan a maitutop ti gagemda iti daytoy a biag. Nagasat a numero: 3, 5, 9.
AQUARIUS (Enero 20- Pebrero 19). Balligi daytoy a lawas basta agtalinaed ti kinakalmado. Amin a susik, marisut babaen ti panagsasarita iti naiggayyeman a wagas. Napintas a lawas a panangirugi iti uray bassit laeng a negosio. Nagasat a numero: 1, 4, 8.