Idi Un-unana a Panawen

IDI un-unana a panawen, adda ubing a lalaki a mo mabalin, dina kayat ti agdigos. Kaay-ayona pay ti agay-ayam a sakasaka iti ruar. Dina pay maurnos ti nagiddaanna. Agingga iti maysa nga aldaw, napunnuanen ti anghel a kasigudna.

“Inka pay la agay-ayam idiay ruar ta tarimaanek ti nagiddaam. Uray ta adda idiay ti kabsatmo,” kinuna ti anghel.

“Kabsat? Awan kabsatko,” kinuna ti ubing. “Maymaysaak nga inanak.”

“Kasta ti panangipagarupmo,” kinuna ti anghel. “Basta inkan.”

Isu a napan ti ubing iti ruar ti balay. Nasabatna ni Pusa. “Sika kadi ti kabsatko?” sinaludsodna.

“Ay, imposible,” kinuna ni Pusa. “Kitaem, nagsileng ti dutdotko. “Sika, nagrugit ti badom!”

“Asino ngarud ti kunkuna ti anghel a kabsatko?” sinaludsod ti ubing. “Saludsodem ken ni Pato,” kinuna ni Pusa. Napan ngarud ti ubing iti yan ni Pato. Agdigdigos ni Pato iti dan-aw. “Pato, sika kadi ti kabsatko?” sinaludsod ti ubing. “Ania?” makasuron pay a kinuna ni Pato. “Awan ti kabsatko a di agdigdigos!”

Isu a pinanawan ti ubing ni Pato. Nasabatna ketdi ni Baboy.

“Kabsat! Addaka met la gayam ditoy!” kinuna ni Baboy iti ubing.

“Kabsat? Awan kabsatko a kas kenka nga agatlubnak!” kinuna ti ubing a makasuron.

“Ket agpadata nga agatlubnak. Isu ngarud nga agkabsatta!” impapilit ni Baboy. “Umaykan!” “Mandiak! Mandiak!” kinuna ti ubing. Makasangiten. Isu met a rimmuar iti balay ti anghel. “Naurnoskon ti nagiddaam. Nakadaldalusen ‘diay kuartom,” kinunana. “Ita, agpilika iti kayatmo. Mapanka ken ni Baboy wenno sumurotka kaniak ngem masapul a managdaldaluskan, iti man bagim ken iti aglawlawmo?” “Sika ti kayatko!” kinuna ti ubing. “Makaammoka,” kinuna met ti Baboy. “Adu pay dagiti ubbing a kas kenka a kakabsatko!”—O armalayt. Nakapaturong kenkuana.

Inwilawil ni John ti ulona tapno maregreg dagiti tinukel ti tudo nga agay-ayusen iti rupana ken manggapun a mapan kadagiti matana.

“Ikkannak iti napintas a rason a saanka a papatayen, John Villa,” manursuron ti timek ni Edgar. “Gapu ta adda met paltogko.” Nagkatawa ni Edgar. “Ngem iti baba ti nakaipaturongan ti paltogmo. Nakapaturong kenka ti paltogko. Ingatom pay laeng ti takiagmo, nabtaken ti bangabangam..”

Nagtungtung-ed ni John. “Hustoka. Mapapataynak. Ngem mamatika kadi a sakbay a kumali ti bala ti paltogmo iti bangkayko, mawatwatakton ti ulom?”

Nakasuron ni Edgar. Malastogan ken ni John. Ket nakaparpardas a nangkalbit iti gatilio ti armalayt nga iggemna.

(Maituloyto)