Tao, Lugar, Pasamak
PARAMBAK DITOY TALON 2.0.
Kas resulta ti panagmaymaysa dagiti agserserbi iti MMSU nga idauluan ti Dr. Shirley C. Agrupis, Presidente ti Unibersidad, balligi ti naisayangkat a Parambak 2.0, paset ti maika-41 a panagkasangay ti MMSU iti tema a Glocalizing to ACHIEVE. Naisayangkat ti Parambak 2.0 idi Enero 25 iti MMSU, Dingras Campus, Dingras, Ilocos Norte. Paset ti nasao nga aktibidad ti Pannakayalnag ti Plumeria catalogue ken pannakayalnag ti MMSU Dingras kas Kalachuchi Campus babaen ti pannakaimula dagiti nagduduma a klase ti kalachuchi (kalunatsi); pannakayalnag ti President’s Model Farm a nakaimulaan dagiti nagduduma ti klasena a nateng ken nakaipakatan dagiti nagduduma a technology interventions; panagburas kadagiti natnateng; Tienda ni Pres; pammigbig kadagiti baro a kabinnulig ti MMSU; Gift giving, Serbisio Medikal; ken Oras Para Kadagiti Ubbing. Adda met dagiti nagduduma a produkto a kas iti kornik ken kape a bagas a naiparaman kadagiti nagatendar. Naala ti ladawan iti pannakayalnag ti Plumeria catalogue ken ti MMSU Dingras a kas Kalachuchi campus iti panangidaulo ni MMSU President Dr. Shirley C. Agrupis ken Dr. Epifania O. Agustin, VP for Research, Extension, ken Business iti MMSU, ken ti nagbalin a naisangsangayan a bisita, ni Mayor ti Takko, Aomori Prefecture, Japan, Hon. Harumi Yamamoto, ken dagiti kakaduana. (Mercy Gaño ken Kimberly Miguel)
PANAGIINNILIW.
Nagkikita dagiti nangirugi iti Bachelor of Science in Agricultural Engineering, Batch 1977, iti Mariano Marcos State University kalpasan ti 42 a tawen iti Fort Ilocandia Resort Hotel, Laoag City idi February 2, 2019. Naangay ti inniliw babaen ti panangisponsor ni Maribel Quemado Gapero ti Hawaii, USA. Nairaman iti ladawan da (sango): Rogelio Guinto, Raul Agtang, Lisa Ramos Aurellano, Naida Manuel Franco, Salome Blanco Sadornas, Melwida Miguel, Milagros Delacruz Magcaleng, ken Nora Delacruz. Nakatakder: Rollie Garcia, Martin Tunac, Ferdinand Castro, Reynaldo Pacunayen, Ernesto Lacambra, Melecio Guillermo, Elena Garaña Olino, Maribel Quemado Gapero, Ruth Badua Sampayan, Ferdinand Alibuyog, ken Elmer Salvador.
VINTAR, ILOCOS NORTE.
Kadua dagitoy balikbayan nga agkakaparokiaan iti sanguanan ti imahen ni Birhen Santa Maria ti dadduma kadagiti kakailianda iti Vintar, Ilocos Norte nga idauluan ni Mayor Larisa C. Foronda. Agpakanawan: Edna Nagtalon, Loida Magat (San Bruno, California), Estelita Taylan (Chicago, Illinois), Virgie Camaquin (Palmsprings, CA), Gloria Ramos, Eduviges Quicio, Rev. Fr. Prim Geronio C. Cabanos, Jr., Kura Paroko, ken Cita Duque. (ECNagtalon)