Kudeta (50)

“Ikkannak iti napintas a rason a saanka a papatayen, John Villa,” manursuron ti timek ni Edgar.

Ti Napalabas: Nagturongen ti Presidente iti kapitolio. Nakapuesto metten dagiti tao ni Agent Stewart agraman dagiti sniper iti Central Hypermart ken iti pasdek ti banko iti asideg ti kapitolio. Nagpuesto met da Ricky iti ngato ti kapitolio. Agbitbitlan ni Presidente Acosta idi paltoganda. Insalakan ni John. Pinaltogan met ni Ricky dagiti sniper a CIA. Agturongdan iti kapitolio idi malagip ti Presidente ni Gloria. Idi kuan, dimteng ni Gloria nga adda palpaltoganna. Inkeddeng ni John a da laeng Gloria, Jay-ar, ti Presidente ken ti inana ti agtuloy nga aglibas iti tunnel ta tulonganda dagiti PSG. Ngem inturong ni Gloria ti Presidente ken ni Anwar. Naragsakan ni Gen. Miguel. Kayat ni Anwar nga iwaragawag ti Presidente Acosta ti pannakayallatiw ti turay ken ni Gen. Miguel ngem di kayat ti Presidente. Babaen ken ni Deputy Bosworth, naammuan ni John a baluden dagiti kalaban ti Presidente. Inkeddengna a rautenda ti warehouse. Ngem awan tao a nadatnganda. Inawagan ni Deputy Bosworth ni John. Imbilinna a mapanda alaen ni Pat Coloma. Bayat ti panagturongda iti ospital a yan ni Pat Coloma, buybuyaenna ti Facebook Live ni Gloria.

B(Maika-50 a Paset) UYBUYAEN ni John ti Facebook Live iti iPhone-na kabayatan ti panagturongda iti Laoag City General Hospital. Kas bilin ni Mr. Bosworth, mapanda iruar ni Pat Coloma sakbay a dumteng dagiti tao ni General Miguel. Kasapulanda ni Pat Coloma a mangkontak kadagiti nabati pay a napudno a soldado ken polis ti Presidente.

Madamdama pay, naipakita ti ladawan ni Presidente Acosta a nakadumog. Agdardara ti rupana. Iti di nagbayag, nagparang ni Gloria Sarandi. Daradara ti aruatenna pati ti rupana. Nakalidliday ti langana.

“People of the Philippines, as of 6 o’clock this afternoon, President Acosta has been overthrown from power. He is no longer your president, and that power has been transfered temportarily to General Miguel who will exercise his duty as caretaker of the government until such time that a legal election will be held to select our next president.

“Because of his abuse of power, and his order in the killings of thousands of our countrymen, Mr. Acosta will be tried for extrajudicial killings in the court of law.

“In the interest of the country, and to safeguard our democracy and to prevent unnecessary blood bath between our countrymen, Mr. Acosta is asking the members of the Armed Forces of the Philippines who is loyal to him to lay down theirs arms and support our de facto president of the Philippines.

“The president is also asking for the people, the Philippine Army, Philippine National Police and the Presidential Security Group who are currently protecting the Palace to also lay down their arms, surrender or serve the newly installed de facto president.

“The General is giving you 24 hours to comply with this order. Otherwise, we will attack.

“We urge the citizens to stay calm, remain indoors except for emergency necessities, refrain from carrying any weapon, and obey orders and directive by your local authorities.”

Madamdama pay, na- blockout ti live transmission. Isu met a makagtengda iti ospital. Dimsaag da John, Ricky, Melanie ken Jerky idinto a nagbati ni Daniel iti lugan. Nagtarus dagiti uppat iti information desk. Sinaludsodda ti kuarto ti Chief of Staff. Ngem saan nga imbaga ti babai iti information desk. Inawagan ketdi daytoy ti pamaketen nga adda iti

uneg iti kuarto.

“Ania kadi ti maitulongmi kadakayo, apo” sinaludsod ti baket idi makaasideg.

“Umaymi koma kitaen ni Pat Coloma, ma’am...” kinuna ni John. “Kabagianyo kadi?” sinaludsod latta ti baket. Nagkikinnita dagiti uppat. “Saan, ma’am,” insungbat ni John. “Ladingitenmi ngem naiget ti bilin kadakami a dagiti laeng kakabagianna ti palubosanmi a mangkita kenkuana,” kinuna ti baket ket timmallikud daytoy. “Hold it, ma’am...” impakamakam ni Melanie. Ngem saanen a dimngeg ti baket. Simrek iti kuartona ket manipud iti sarming a diding ti opisinana, nakitada a nagdayal a dagus ti baket ti landline. Manen, nagkikinnita dagiti uppat. Saan a nagtagtagari ni Melanie, nagturong iti opisina ti baket. Ngem sakbay a makastrek, kinuna ti nurse iti sango: “Dimo mabalin ti sumrek dita, ma’am.” Inruar ni Melanie ti paltogna. “Are you gonna stop me?” Saanen a nagtagari ti nurse. Pinusipos ni Melanie ti seradura ti opisina ti baket ngem naka- lock. Kinatokna. Timmaliaw ti baket nga adda iti uneg sa intuloyna ti nagdayal iti telepono.

“Open the door!” impigsa ni Melanie ti timekna. Ngem kaskasdi a saan a dimngeg ti baket.

Immalo ni Melanie ti putan ti paltogna iti sarming a ridaw. Naburak ti sarming. Linukatanna ti ridaw.

“Hang up that phone,” naturay ti timek ni Melanie. Impaturongna ti paltogna iti baket. Agtigtigerger ti baket a nangibaba iti telepono. “Now, can you tell me where Mr Coloma is?” “Third Floor, Room 306...” nagsanud ti baket nga agtigtigerger.

“Thank you... and you’re not gonna call anyone, is that right?” Nagtung-ed ti baket. “Gapu ta no aramidem dayta, sublianka ta papatayenka... kayatmo?” Agtigtigerger ti baket a nagwingiwing. “Saan a dakami ti managdakdakes ditoy, maawatam? Isu a no adda umay agdamag no adda ni Pat Coloma ditoy, ibagam nga awan ditoy, wen?” Nagtung-ed ti baket. Ginammatan ni Melanie ti landline a telepono sa ginuttana ti waya. Pinerrengna pay naminsan ti baket sa minirana ti nametag daytoy. “Good night, Mrs. Almazan...” kinunana sa timmallikuden. Kinusilapanna ti nurse iti information desk. “No phone... Is that clear?” Impatangadna ti paltogna.

Agbubuteng ti babai a nagtung-ed.

NAKASIPSIPNGET. Nakaabungotan ti law-ang iti napuskol a nangisit nga ulep. No manen kumanabsiit ti kimat a mangurit iti law-ang sa sarunuen ti dalagudog ti makapleng a gurruod. Itay pay a kasla kayatna ti mangibuyat iti napigsa a tudo ngem agingga ita, agar-arimukamok laeng. Sagpaminsan a tumangad iti langit ni Daniel ngem ad-adda nga iti aglawlaw ti pakaiturongan ti imatangna. Sisiimenna no adda pay sumangpet a mangsapul ken ni Pat Coloma.

Madanagan. Kayatna nga agballigida. Kayatna a maisalakanda ti Presidente . Ngem saanda nga ammo no yan daytoy. Ti laeng masiguradoda, sibibiag a kas nabuyada iti Facebook Live. Nasken a saan nga agballigi ti kudeta. Nasken a maisublida ni Presidente Acosta iti Malakanyang.

Isu laeng dayta ti nabati a namnamada tapno agbaliw ti biagda. Para iti asawana. Para kadagiti annakna.

Nasinga iti gilap ti silaw ti lugan a sumungsungad. Maysa a nangisit nga SUV. Nagparada iti sango ti ospital. Iniggamanna ti paltogna a sididisso iti tugaw. Saanna nga insina dagiti matana iti lugan. Dimsaag ti sumagmamamano a lallaki. Innem a natatayag. Malasin latta ti kinadusol dagiti siketda. Idi mailukat ti sango ti SUV, napamulagat iti pannakalasinna iti dimsaag. Ni Edgar. Nagdanag. “Delta to Eagle, do you copy?” inradiona a dagus. “10-4 Delta...” insungbat ni John. “We have company, Eagle... seven people and armed and dangerous..”

“Copy that, Delta. ETA?”

“Addada pay laeng iti pagparkingan. Approximately 5 minutes. Do I engage, Eagle?”

“That’s negative. Pardasanmi nga iruar ni Mr. Coloma. Over and out...” “Over and out, Eagle...” Sinipsiputan ni Daniel ti pannagna ti bungoy ni Edgar nga agturong iti uneg ti ospital. Apaman a nakastrek dagitoy, dimsaag iti van a yanna nga agsisiim sa nagturong iti SUV nga inaramat da Edgar. Kimmita iti aglawlaw. Sa timmangad. Mangrugin nga agtinnag ti tudo. Awan ti makitana a tao iti ruar ngem ammona a naka-CCTV ti pagparkingan. Ngem naka- hood isu a masiguradona a saanda a malasin.

Inruarna ti imukona. Sinnaggaysana a dinuyok dagiti uppat a goma ti SUV. Nagsawasaw ti angin manipud kadagiti goma ngem rinimbawan ti napigsa a gurruod.

Pumigsan ti tudo ket nagtarayen a nagturong iti van.

UMUL-ULI ti elevator iti maikatlo a kadsaaran ti ospital ngem kasla nakagingginad ti panagrikna dagiti uppat. Awan tagtagarida. Agpapadada a madukotan. Sumarsaruno laeng kadakuada ti bunggoy nga imbaon ti heneral a mangtiliw wenno mangpapatay ken ni Pat Coloma.

Nakaparpardasda a rimmuar apaman a nakagteng ti elevator iti maikatlo a kadsaaran ken naglukat daytoy. Nakitada a dagus ti dua a guardia iti ridaw. Ipapanda lattan a dita ti kuarto ni Pat Coloma.

Saanda nga am-ammo dagiti guardia. Sigurado a saan met a talken dagitoy ida. Ngem awan aniamanna a nagturongda iti yan dagiti dua. Nakaiggemen dagitoy kadagiti putan ti paltogda a naibarikes. Nakasaganadan a mangasut no kaskasano laeng.

“Naimbag a rabiiyo,” inkablaaw ni Jerky kadagiti dua a guardia. Inruar ni Jerky ti palsipikado nga ID-na a kas PSG sa impakitana biit kadagiti dua a guardia.

Ngem kinita a naimbag ti maysa ti ID ni Jerky. Sa miningmingan daytoy ti rupa ni Jerky. “Ania ti kasapulam?” sinaludsod ti guardia. “Kayatmi a makita ni Pat Coloma,” insungbat ni Jerky. “Sori, saandaka nga am-ammo...” “Immaykami ta kasapulan ni Pat Coloma ti tulongmi...” Sakbay a nakasungbat ni Jerky, naasitganen ni Melanie ti lalaki. “Listen, what’s your name again?” Nagmuregreg ti lalaki a nangkita ken ni Melanie. “PO3 Baltazar, the Chief of Staff is in danger. We have to take him out of here. Take him somewhere where he is safe...”

“Ladingitenmi. Ngem naiget ti bilin kadakami a dimi yakar ni Mr. Coloma malaksid no isu ti mangibilin. “

Kellaat a ginammatan ni John ti lalaki sa impaturongna ti paltogna iti pispis daytoy. “Daddadaelem ti panawenmi, Baltazar. Lukatam ‘ta ridaw...”

Napaspas met ni Ricky a nangipaturong iti paltogna iti sabali pay a guardia a mangasut koma met iti paltogna. “I could have done that,” inkusilap ni Melanie ken ni John. “Sorry, hon,” kinuna laengen ni John. Mariknana ti pasugnod ni Melanie kenkuana. “I’m not your, hon,” kinuna ni Melanie. Saan a simmungbat ni John. Napaanges lattan iti nauneg. Inlukat ti guardia ti ridaw. Patpaturongan idan dagiti dua pay a guardia iti uneg. Ngem nagwingiwing ni John. “Ibabayo dagita armasyo... dikayo agaramid iti pagbabawyantayo amin...”

“Diyo mabalin ti sumrek!” natangken ti sungbat ti maysa kadagiti guardia iti uneg.

“Saandakami a kabusor. Kaduadakami. Daddadaelentayo laeng ti tiempotayo. Agpeggad ni Pat Coloma.”

“Put down your weapon, PO1 Duldulao...” pagammuan la ta

nagtimek ni Pat Coloma nga adda iti kama. Napaanges iti nalukay dagiti kakadua ni John. “Ladingitek no nakellaatkayo iti iseserrekmi, sir...” kinuna ni John.

“That’s okay. Maawatak. Padpadaanankayo. Immawag kaniak ni Deputy Bosworth.” kinuna ni Pat Coloma.

“No kasta, ammoyon ti situasion, sir? Agtignaytayo ngaruden. Addan dagiti kabusor nga umay a mangala kadakayo.”

Inarikumkom ni Pat Coloma dagiti kasapulanna. Impisokna amin iti maletana. Inyawatna iti maysa kadagiti guardia, ket inatibayen da Ricky ken Jerky.

Simmirip ni John iti pasilio. Awan ti matagtagitao.

Napardas ti gunayda; nagturongda iti elevator. Ngem pangadaywenda pay laeng, nangngegdan ti panag-kring ti elevator. Kayatna a sawen, adda tao a rummuar.

Pinetpetan ni John ti paltogna. Pagammuan la ta naitungraraw ti rupa ni Edgar. Nalasin a dagus ni Jerky; saanen a nagdadael iti tiempo. Pimmaltogen a dagus. Nagsubli ti bunggoy ni Edgar. Siguro, napengdanda ti panagrikep ti elevator.

“Magnatayo iti likud,” kinuna ni John. Nagpusipos da Jerky ken dagiti PSG a kaduana a nangatibay ken ni Pat Coloma sa rinugianda ti nagtaray. Agsansanud met da John, Melanie ken Ricky a mangsipsiput iti bunggoy ni Edgar. No adda mangirungarong iti rupada, dagus a pumaltogda. Ngem madamdama laeng pinasaksakanda idan iti armalayt. Nagtaray dagiti tallo a naglinged.

“John, Melanie, you go. I’ll take care of them,” kinuna ni Ricky.

“No, you go, Ricky. Melanie, I’ll stay,” kinuna ni John.

“You, guys, go. I’ll stay,” kinuna met ni Melanie. “Matay ti matay.”

Immanges iti nauneg ni John sa sinangona ni Melanie. “Look, hon... ammok a kapungtotnak. I know I messed up and I can no longer change that. I’m really sorry...”

“If both of you wanna kill yourselves, do it. But can we just finish this one and then you kill each other later? We have a job to do,” insalingbat ni Ricky ta saanen a nakateppel. Itay pay a madlawna ti panagpimpinnasugnod dagiti dua gapu ken ni Gloria.

Naklaat da John ken Melanie ket saanda a nakauni. Pimmidegda ketdi iti diding ta nagparatupot manen dagiti igam da Edgar. Madamdama pay, kellaat a nagulimek dagiti paltog.

Simmirip ni Melanie. Maysa a nakaiggem iti armalayt nga addaan iti scope ti agar-arudok nga umas-asideg kadakuada.

Insuyo ni Melanie ti bagina iti datar sa pinaltoganna ti kabusor nga agar-arudok. Kasla nambaan a naudatal daytoy.

Nagtaray da John ken Ricky iti yan ni Melanie a nakaidda pay laeng. Naggiddanda a nangyawat iti dakulapda tapno tulonganda a tumakder.

Awan tagtagari ni Melanie a nanggammat iti dakulap ni Ricky. Madamdama laeng, agtartaraydan nga agturong iti ridaw a mangitunda kadakuada iti agdan.

NAKALAWLAWAG a nakita ni Edgar ti pannakapunta ti ulo ti kaduana a nakaiggem iti armalayt. Duan a taona ti napasag. Ket makapungtot unay.

“Kamatenyo ida!” inriawna kadagiti uppat pay a kakaduana.

Pinidutna ti armalayt. Kinitana ti magasin. Adu pay laeng ti balana. Innalana ti dua pay a magasin nga adda iti bolsa ti natay a taona.

Nagtaray a nangsaruno kadagiti uppat a kakaduana. Addan dagitoy iti agdan. Makipimpinnaltogda kada John Villa. Kumanaltiing dagiti matamaan a pagkaptan iti agdan.

“Papa to Zebra... Papa to Zebra, do you hear me?” nangngegna ti awag ni Gen. Miguel iti radio. “Status, Zebra... naalam kadin ni Coloma?” “Saan pay, sir.” “Ania ti kayatmo a sawen?” “‘Nana a John Villa dayta. Adda manen ditoy! Adda kenkuana ni Pat Coloma.”

Naparasaw met ti heneral. “Ipalubosyo lattan a kasta ti ar-aramidenna kadakayo? Wenno akuenyon a saanyo a kabaelan?” manglalais ti timek ti heneral.

“Maalami ni Pat Coloma, sir, dika kad’ agdandanag.”

“Rumbeng laeng! Naumaakon kadagiti agsasaruno a pannakapaaymo! Awan pay ti aramidyo a nagballigi. Saanyo pay a naipakni da Daniel ken ni Jerky. Sa ita, inunaannakayo manen ni John Villa. Ania ti klasem a soldado, lupoy?” “Sir...” “Immawagakon idiay Kampo Lego. Umayen dagiti soldado nga adda sadiay. It-itedko amin a suportak kenka, ngem iti kanito a saanyo a maala ni Pat Coloma, nasaysayaat laengen a dikay agpakpakita kaniak. Naawag?” Nagmaga ti karabukob ni Edgar. “Y-yes, sir...” “I want that old man Coloma... No diak mabalud dayta a lakay, agtalinaed a napudno dagiti panatiko ti Presidente. Maawatannak kadi, Zebra?”

“Loud and clear, sir,” impanamnama ni Edgar. Ngem agbaran ti piditpiditna. Agpeggad ti biagna iti heneral sa agpeggad pay ti biagna iti bungoy ni John.

Nagwingiwing. Pinardasanna ti nagtaray a kimmamakam kadagiti kaduana. Nasken a matay dagitoy a kabusorna. No dina met laeng matiliw ni Pat Coloma, nasaysayaat a matay laengen.

Napardas a timmaray. Nakagtengen ti bunggoy ni John iti ground floor. Ngem saanda a nagturong iti undergound parking. Rimmuarda iti likud Idinto nga adda pay laeng iti maikadua a kadsaaran. Saan a makakamakam ta pasabtanda met iti bala. Napanunotna ti agturong iti tawa. Matamdaganna dagiti tao ni John nga agtartaray. Kinugsolna iti

putan ti armalayt ti sarming ti tawa. Naburak daytoy ket sinabat ti sapri ti rupana.

Napardas a nangipaturong iti M-16 kadagiti agtartaray. Siniripna ti scope daytoy. Sinapulna ni Pat Coloma. Ngem awan ti nadalus a puntiriana. Pinakudrep ti pumigpigsan a tudo ti scope. Ken agsusublat a mailinged ti lakay iti likud dagiti mangsalsalaknib iti daytoy. Agingga iti nadlawna ti panagtaray ti maysa kadagiti tao ni John Villa. Kasla am-ammona dayta a panagliklikud. In- focus- na ti scope.

Ni Jerky! Isu ti maysa kadagiti sapsapulenda. Isu ti maysa kadagiti kangrunaan a panggepda a patayen.

Sinirigna. Naipalkaten iti X ti likud ni Jerky. Ngem inadjust-na ta agtartaray. Ikkanna iti pasakbay ti panagtarayda. Idi masiguradona a mapuntaanna, immanges iti nauneg sa tinengngelna ti angesna, sa kinalbitna ti gatilio ti paltog. Nakalawlawag a nakitana ti pannakapakleb ni Jerky.

KELLAAT a nadaleb ni Jerky. Ammo ni John a napaltogan ta nangngegna ti kanalbuong nupay naggurruod. Limmingay iti naggapuan ti putok. Nakitana ti bunganga ti paltog iti tawa iti maikadua a kadsaaran ti ospital. Sakbay a makapagpaltog manen ti akin-iggem, pinagsasarunonan a pinaltogan iti yan daytoy.

Nagdardaras met ni Ricky a nangarayat ken ni Jerky a padanan a nadaripespes iti tudo. Nailimogen ti dara daytoy iti tudo. Sinapul ni Ricky ti sugat ni Jerky. Luppo ti napuntaan. “Are you okay?” sinaludsod ni Ricky. Nagtung-ed ni Jerky nupay agpatpatangkenen iti sakit. Inaprosanna ti rupana a nadaripespesen iti tudo. “Napuntaan ti tulangmo?” Nagwiwingwing ni Jerky. “Saan siguro...” insungbatna. Tinulongan ni Ricky a timmakder ni Jerky. Inatibayna sa intuloyda ti timmaray. Nabati da Melanie ken ni John.

Intuloy ni John ti nangpaltog iti tao nga adda iti tawa iti maikadua a kadsaaran. Idi saan a sumubsubbot, imbagana ken ni Melanie ti panagtaraydan. Nakitiponda iti bungoyda. “Delta to Eagle...” umaw-awag ni Daniel. Agal-alen ni John. “Copy that, Delta. I need you to start the van. Agturongka iti likud ti ospital. Napuntaan ni Jerky.” Saan a nakauni a dagus ni Daniel. “Kasano ti kakarona?” kinunana met laeng idi agangay. “Saanna nga ipatay ngem saan a makataray ta ti sakana ti napuntaan. Umaynakami alaen. Addakami iti likud ti ospital.” “Ngem adda parikuttayo, Eagle...” “Ania manen dayta?” “Adda sumungad a sangatrak a soldado.” “Shit...” nayesngaw ni John. “Makilabanak kadi?” “Masapul a kasta, Delta. Masapul a pengdam ida wenno itantanmo ti idadanonda,” imbilin ni John. “Copy that, Eagle...” insungbat ni Daniel. “Adda iti van dagiti armas... mangpilika iti a kayatmo nga aramaten. If you have to annihilate all of them, do it. This is already war, do you understyand?”

“Loud and clear, Eagle... over and out...” ket nagpukawen iti radio ni Daniel.

Intultuloyda ti nagtaray nga umadayo. Kimmamat latta met ti bunggoy ni Edgar.

Madamdama pay, nakangngeg ni John iti naikasa a paltog. “John Villa, stop!”

Napasardeng ni John iti kinapigsa ti timek. Nagpusipos. Babaen ti lawag ti silaw, nalasinna ni Edgar. Nakaiggem iti