Ti Gasatmo Ita a Lawas
PISCES (Pebrero 20- Marso 20). Iti panangpadas iti maysa a banag, agbalin a positibo tapno agballigi daytoy. Agpannuray ketdi ti kalidad daytoy iti pagrukodam iti no ania ti napateg. Nagasat a numero: 2, 6, 8.
ARIES (Marso 21- Abril 20). Adda dagiti palso a namnama no nalaka a mamatika iti saosao. Maatiwmo daytoy no yad-adda pay ti panagtalek iti bukod a kabaelan ken kinasidap ti panunot. Nagasat a numero: 1, 5, 9.
TAURUS (Abril 21- Mayo 20). Adda dagiti annongen a saan a nasken a yabaga tapno saan a manayonan ti pakadukotam. Mabalin met ti tumulong iti wagas a patan-ayem ti kabaelan ti sabali a tao imbes nga ipannurayna ti amin kenka. Nagasat a numero: 3, 4, 7.
GEMINI (Mayo 21- Hunio 20). Iturong ti imatang kadagiti detalye tapno naur-urnos ken ad-adu ti maaramidan. Adda dagiti babassit a riro a mabalin a palabsen para iti dakdakkel a pagimbagan. Nagasat a numero: 2, 6, 8.
CANCER (Hunio 21- Hulio 20). Tagiragsaken daytoy a lawas. Nasayaat daytoy para iti panunot ken pisikal nga aspekto ti bagi. Namaris pay ti aglawlaw para kadakayo ken patpatgen. Nagasat a numero: 1, 4, 7.
LEO (Hulio 21- Agosto 20). Adu dagiti sumangbay a mangsintir iti kabaelam ken mangbennat iti anusmo. Agbalin a kalmado tapno saanka a madaksan wenno mairubo. Nagasat a numero: 2, 5, 9.
VIRGO (Agosto 21- Septiembre 22). Salakniban ti bukod a bagi kontra kadagiti awan met maipaayda a naimbag kenka. Ikagumaanan ti umasideg kadagiti tattao a positibo ken nararagsak tapno mabugiaw ti mangan-anta kenka a demalas. Nagasat a numero: 3, 4, 8.
LIBRA (Septiembre 23- Oktubre 22). Dagiti positibo a pasamak ken parabur, agdepende iti kinamanagsakbay, kinaalibtak ken kinagagetmo. Kasta met nga adda madadaan nga ipaaymo a tulong kadagiti umasideg kenka. Nagasat a numero: 1, 5, 9.
SCORPIO (Oktubre 23- Nobiembre 22). Nakasaganaka ita para kadagiti karit daytoy a lawas. Awanen ti baro kenka ket ngarud, nalaka a mayaramidam iti pamuspusan dagiti bambanag. Nagasat a numero: 3, 4, 7.
SAGITTARIUS (Nobiembre 23- Disiembre 20). Masapulamto met laeng ti sapsapulem. Mamatika laeng iti kabaelam, ken saanka koma a maaw-awanan iti namnama. Nagasat a numero: 2, 6, 9.
CAPRICORN (Disiembre 21- Enero 19). Nakumikom daytoy a lawas. Siguraduen nga adda tiempo ti panagrelaks wenno para kadagiti papagayam tapno saan unay a ‘mamalmalo’ ti bagi. Nagasat a numero: 1, 4, 7.
AQUARIUS (Enero 20- Pebrero 19). Laglagipen koma a kanayon dagiti babassit a bambanag a nangipaay kenka iti pagragsakan. Naparabur daytoy a lawas no ammom a tagiyamanen dagiti babassit a parabur. Nagasat a numero: 3, 5, 9.