No Adda Sigsigloten, Adda Met Warwaren
(Maikadua iti 3 a Paset)
T APNO makapagdesisionkayo no ti mutual funds ti maysa kadagiti umno a pangisiglotanyo iti dadduma a kuartayo, masapul ngarud a maammuanyo dagiti sumaganad a balikas wenno investment terminologies.
Investment Terminologies
NAVPU. NAVPU wenno net asset value per unit. No stocks koma ti pagsasaritaantayo, daytoy ti stock price ngem dagiti
investors ti mutual funds, makipagtagikuada iti mutual funds a nabingaybingay iti ‘unit.’ Ti NAVPU, maala manipud iti sibubukel a gatad dagiti amin nga assets ti mutual funds sa mabingay no mano man ti units ti mutual funds. Kastoy man: NAVPU = Total Fund Value / Total Number of Units Daytoy a gatad ti paggatang wenno paglako iti mutual funds. No kayatyo ti ag- invest iti mutual funds, ti NAVPU iti pagcompute-anyo no mano a units ti magatang iti y- invest- yo.
Front-end Load
Gapu ta adda ti mutual funds ket professionally managed, adda ngarud singiren dagiti investment managers. No ti maysa a mutual fund ket front-end load, masingir ti investment fee ni investor apaman nga ag- invest.
Back-end Load
Masingir met ti investment fee iti oras nga ilako ni investor ti units- na iti mutual funds.
Prescribed Holding Period
Apaman nga ag- invest- kayo iti mutual funds, mabalin met laeng nga ilako a dagus daytoy. Ngem no mailako ti units- mo sakbay nga agngudo ti prescribed holding period, agbayadkayo iti multa wenno early redemption fee.
Agduduma dagiti prescribed holding period. Kas koma iti mutual funds a magatang iti Philam Fund, agatiddog ti prescribed holding period iti 180 nga aldaw.
Early Redemption Fee
Multa no aglako sakbay a malpas iti prescribed investment period ti siniglotam iti mutual funds. Agsasabali ngem mabalin a 1% ti total investment- yo.
Balanced Fund
Maysa a klase ti mutual funds nga aglalaok dagiti stocks, bonds, ken cash a pagy- invest- an dagiti investment managers. No adda kayatyo a damagen wenno adda komentoyo, ag-PM-kayo ken ni Anna Liza iti www.facebook.com/annalizamgaspar.-- Editor