Kon may isla nga nailog ang China sa Panatag Shoal, Cayetano moresayn
GIPANEGURO ni Foreign Affairs Secretary Alan Peter Cayetano nga niining panahon ni Presidente Rodrigo Duterte walay nawalang teritoryo ang Pilipinas sa Scarborough o Panatag Shoal ug andam niyang isugal ang iyang katungdanan sa gobyerno. Buot ipasabot nga kon mapamatud-an nga adunay lugar sa kontrobersiyal nga isla nga nakuha o nailog sa China, moresayn siya sa iyang katungdanan.
“I challenge anyone of them. Ano man ang profession nila— justice sila, pulitiko sila, newsman, journalist— if we lost a single island during Duterte’s time, I will pack my bags, go home, and I will not serve the public in any elected or appointed position,” nagkanayon si Cayetano atol sa sinemanang flagraising ceremony sa buhatan sa Department of Foreign Affairs.
“But are you willing to do the same? Are you willing to face this Administration, and show us which island feature or inch, square-inch we lost during Duterte’s time? I’m willing to show you what we lost in the last administration,” dugang niya.
Gipahayag kini ni Cayetano human mogawas ang kolum sa usa ka kolumnista sa usa ka mantalaan nga nagtuki kon pila ka isla sa Panatag Shoal ang pabiling gipanag-iya sa Pilipinas?
Wala sab basola ni Cayetano ang miaging administrasyon ni kanhi Presidente Benigno Aquino III sa pagkawala sa kontrol sa Scarborough o Panatag Shoal.
Sa pagka karon nakatukod na og missile systems ang China sa Fiery Cross Reef, Mischief Reef ug Subi Reef.—