KAILA ESTRADA

Gipakita ang Paagi sa Pagdawat sa Pisikal nga Depekto

Bisaya - - Showbiztsika - Ni HIMAYA DAGOHOY

GIANGKON ni Kaila Estrada nga wala siyay kompiyansa sa kaugalingon sa dihang nagsugod pa lang siya sa iyang modeling career. Bisan pa og nakapanunod siyag maayong panagway gikan sa iyang mga ginikanan nga sila si John Estrada ug Janice de Belen, ikauwaw gihapon niya ang iyang pisikal nga hiyas sa tanang higayon.

Sa atong pakighinabi, gibutyag sa 22-anyos nga model/vblogger ang bahin sa iyang mga gikabalak-an ug kon giunsa niya sa pagkat-on ang paghangop niiini.

“I have a lot, honestly. I have a lot but I feel like, it’s natural naman to have some. Physically, of course, like my forehead, my hips or something like that,” pu’ng pa ni Kaila.

Sa linya sa ilang trabaho, ang mga modelo andam mopahigayon ug pag-atubang sa mga kritisismo, labi na sa ilang pisikal nga hitsura.

Gipaambit ni Kaila ang iyang kasinatian diin gitawag ang iyang atensiyon tungod sa iyang buna. Ang iyang ahente sa modeling agency misulti niya nga magpabangs kay morag dako tan-awon ang iyang agtang, butang nga dili gahanan sa mga kliyente.

Mi- click tuod kini apan sa kaulahiay sa dihang wa na siya magpabangs, ingon sa wala ra man say epekto sa iyang career.

“So I felt like it was a look that they wanted for me to have for a little while,” sulti ni Kaila nga masaligon sa kaugalingon.

Human sa upat ka tuig nga pagtrabaho sa modeling industry, nakat-onan ni Kaila nga mahimo niyang bentaha ang gipakaingon niyang mga depekto.

Gipasabot niya nga maoy iyang unang giatubang nga usbon ang iyang kinaiya ug pagtan-aw sa kaugalingon.

“It’s the way you address your insecurities. If you let it consume you then it’ll never get you anywhere. But if you embrace it and you’re confident about yourself then it’ll take you very far. Matalino daw tayo, yun yung bright side doon. Claim it!” matod pa ni Kaila.

Karon, mapasigarbohon na nga magpakita sa iyang dakong agtang si Kaila kay dili na kini makasamok sa iyang panghunahuna. Dili na niya ikaulaw kon unsa may ikasulti sa ubang tawo.—

Newspapers in Cebuano

Newspapers from Philippines

© PressReader. All rights reserved.