PAULINE MENDOZA:
MALIPAYON TALIWALA SA MGA HAGIT UG PAGSULAY
DAKO kaayo ang pagpasalamat ni Pauline Mendoza sa GMA-7 kay sulod sa tulo ka tuig niya sa GMA-7 Artist Center kanunay siyang gihatagan og proyekto ug naa pa gyod sa primetime.
Kahinumdoman nga nagsugod si Pauline sa showbiz tulo pa lang siya ka tuig sa iyang pagcommercial model. Daghan siyag nahimong commercials sama sa billboards, print ads ug sa mga magasin. Nahunong lang siya kay mipokus sa iyang pagtuon.
Sa pagbalik niya sa showbiz, nagdangadanga na sa 16 ang iyang pangedaron. Nagmodelo siya sa usa ka sikat nga clothing brand sa dihang na- scout siya ni Sir Carlos Lapira, usa ka taga GMA Artist Center. Gipa- audition siya sa Artist Center ug nakasulod sa tuig 2015. Una niyang proyekto sa GMA-7 ang “Little Nanay” nga gisundan sa “That’s My Amboy”, “May Love From The Star”, “Alyas Robinhood-I” ug uban pa.
Atong gisukit-sukit ang dalaga kon malipayon pa siya sa iyang pagtrabaho sa Siyete. Ug kini ang iyang gitubag.
“Happy po, kasi di naman po ako nawawalan ng mga projects. Lahat po ng nagawa kong projects is puro primetime po and sa ngayon po di naman ako nawawalan ng mga guestings habang naghihintay po sa panibagong projects. Kaya blessed and happy po ako sa team Boss Vic del Rosario. Ang handler ko po ay si Ms. Molly Lasic, feel ko po ‘yung love and alaga nila sa akin sa GMA-7 network,” matod ni Pauline.
Maoy biggest break sa 18 anyos nga si Pauline ang bag-o lang nahuman nga teleseryeng “Kambal Karibal” nga gibidahan nila ni Miguel Tanfelix, Kyline Alcantara ug Bianca Umali. Dako ang iyang pagpasalamat sa production nga naapil siya sa cast kay mas nailhan siya sa mga tawo tungod sa maong teleserye ug nag- enjoy siya sa ilang mga taping.
Sa sunod niyang mga proyekto, pangandoy ni Pau (angga ni Pauline) nga makauban sa trabaho si Marian Rivera kay gawas nga idolo niya ang misis ni Dingdong Dantes, gusto usab sa Kapuso Primetime Queen nga makatrabaho ang dalaga.
Si Pauline nga taga Lucban, Quezon nga nagplanong mokuha og Theater Arts sa UP, bugtong anak nila ni Jennifer Cruz Esquieres ug Victor Cayton Esquieres. Maayo man tuod ang dagan sa iyang showbiz career apan miagi usab sa daghang pagsulay ang iyang pamilya.
Two years ago, na- diagnose nga dunay breast cancer ang iyang inahan. Gitambalan kini pinaagi sa chemotherapy ug gitangtang ang usa niini ka suso. Sa pagka karon, nag- herbal medicine na ang iyang inahan.
Dunay mga higayon nga makahilak si Pauline tungod sa mga bash nga iyang nadawat sa social media ug giapil pa ang iyang inahan.
“Sinabihan kasi ako na mabuti nga raw na nagka-cancer ‘yung nanay ko, kaya napaiyak po ako. Iyon po talaga ang pinakagrabe, kaya sinagot ko sila ng, ‘Hindi ninyo alam ang pinagdadaanan namin kaya huwag ninyong idamay ang family ko, lalo na ang nanay ko.’ Sabi ko, ‘Ako na lang, huwag na iyong nanay ko.’ Masyado na po kasing below the belt kaya hindi ko napigilan ang sarili ko at sinagot ko po talaga,” maoy butyag ni Pau.
Maoy iyang wish nga magmalig-on pa ang iyang mommy ug hingpit na nga mawagtang ang kanser.
Sa pagka karon, wala ug tuo ang TV guestings ni Pau, apil na niini ang paggawas niya sa “Wish Ko Lang”, “Imbestigador”, “Maynila”, “MARS”, “AHA”, “Tunay Na Buhay” ug “iBilib.” —