Alas Siyete Sa Buntag, Sa Marcos Bridge

Bisaya - - Showbiztsika - Ni R. JOSEPH DAZO

Mi. IBIYA kas katre sa wa pa motingog ang alarm sa selpon. Wa ka makatulog og tarong kay ang kahiman way undang sa pagkablit sa imong kiliran aron tawgon imong atensiyon. Makita na nimo siyag balik ug magkuyog mos inyong gipangandaman nga biyahe. Kataposan nimong nabati kining matanga sa kahinam mao kadtong gabii diin naghinabi mos usag

Mga pinutol- putol nga esena sa gugma. Tinagod- tagod nga mga pagbati. Paingon sa panamilit ang tanang pag- abot…

usa sa usa ka gay app. Imo gihapong gipangutana imong kaugalingon kon unsaon gyod nimo paghikalimot kadtong gabhiona nga napuno sa mga mensaheng nagpataliwala sa pagka uwagan ug pagka romantiko. Giparesan pa gyod kini sa pagpadala niyag mga nude pic ( diin ang imong tudlo mihapuhap sa eskrin sa selpon, didto gyod sa iyang ulok). Adtong panahona, ang imong kasingkasing namulak og mga pughawng pagbati nga imong giila nga usa ka langyaw ug nakalimtan na.

“Yawa!” sikmat nimo, hapit malabay ang selpon. Pipila ka mensahe nimo napakyas og padala. Natapos na ang imong surfing promo. Nahutdan na sad kag load. Kaadlawon. Namalikas na sad ka ug mialingawngaw kini sa imong lawak nga giabangan sa Corrales. Imo na lang gitutokan ang eskrin sa imong selpon. Nakita nimo ang way undang nga pag- abot sa iyang mensahe: Asa na ka? Busy ka? Hey, are you there? Hoy. Psst. Please reply. Aaron? Hoy.

ii. TAPAD na nimo siya sa puno nga dyip gikan sa Kauswagan. Gugma na imong gibati sa pagdapat lang gani sa iyang itom ug kulong nga buhok sa iyang batiis diha sa imo samtang nag- abot inyong mga tuhod. Kining mga buhoka mingdapit nimo nga ibutang pod imong kamot sa iyang maskuladong paa. Hagbay ra nimo siyang giingnan nga aduna kay isulti niya nga imo gyod gitipigan sa pila na ka semana sukad mo nagkita sa Bo’s. Imo kining gigalam og maayo nga misugod na hinuon nig dasok sa imong mga ugat.

Kadtong tinipigan nga mga pulong susama na sa taytayan nga natrapik. Ang ligid sa dyip daw molihok lang lima ka segundo sa kada lima ka minuto— ug kini, ang segundo ug minuto, susama sa kahangtoran.

“Mas paspas pa man motulo akong singot kaysa dyip, Bay,” miingon ka niya. Nakita nimo nga mipahiyom siya. Niadtong tungora, gusto nimo siyang halokan. Iyang pahiyom, mipaawas sa imong gugma.

“Kon motrabaho na kos abroad, dili na ko makasinati ani.”

Nakadungog ka nga may moambak gikan sa taytayan maong misamot ang trapik. Nadungog nimo ang singgit sa mga babaye. May nangaliyupo. Imong mga kauban sa dyip mingsuway og lili kon hain ang buot nga moambak.

“Aduna koy isulti nimo,” nimo taliwa sa mga singgit. Nakita nimo nga milili sad siyag apil sa gawas. “Kanang… ang ganahan nako isulti nimo kay…” “Wait, Aaron. Unsa imo gisulti? Sorry.” Milingo- lingo ka ug mitubag og never mind. Milili kag apil. Imong nakita ang pag- ambak sa lalaki sa taytayan.

iii. ALAS siyete sa buntag, naa kas EDSA, nakapamalikas na sad kay natanggong sa trapik padu’ng sa imong bag- ong trabahoan.

Alas otso sa buntag, naa siya sa Tokyo dala ang tamis nga pahiyom, ug nagsakayg bullet train, padu’ng nga makigkita sa iyang hinigugma. (KATAPOSAN)

Nakadungog ka nga may moambak gikan sa taytayan maong misamot ang trapik…

Newspapers in Cebuano

Newspapers from Philippines

© PressReader. All rights reserved.